Vybačajusia za prykruju niaŭvažlivaść i pamyłku. U adnym sa svaich papiarednich zapisaŭ ja pamyłkova napisaŭ, što ź Biełarusi pry dapamozie Administracyi prezydenta Rasii i Ŭładzisłava Surkova za miažu vyjechali Andrej Sańnikaŭ i Natalla Radzina. Adnak na samoj spravie tak vyjechała tolki žurnalistka Natalla Radzina, kali jana tajemna ŭciakła z-pad chatniaha aryštu.
Pra heta jana sama raskazała ŭ interviju ŚMI.
Cytata:
«Mnie patrebna była vyjaznaja viza. Uładzisłaŭ Surkoŭ, pieršy namieśnik kiraŭnika administracyi prezidenta, dapamoh jaje atrymać».
«Paśla čatyroch miesiacaŭ afarmleńnia statusa ŭciekača pa linii AAN paŭstała pytańnie pra rasijskuju vyjaznuju vizu, — raskazała žurnalistka «Našaj Nivie», — i ŭ AAN mnie skazali, što treba iści ŭ Fiederalnuju mihracyjnuju słužbu (FMS), ale mianie mohuć aryštavać, bo ja ŭ vyšuku.
Tady Hannuškina źviarnułasia da Surkova paśla sustrečy pravaabaroncaŭ ź Miadźviedzievym.
Tady administracyja Miadźviedzieva — jon tady byŭ prezidentam — dała zhodu na toje, kab mianie adpuścili z Rasii, i FMS vydała mnie vyjaznuju vizu».
Krynica: http://d2accbiqacj5y8.cloudfront.net/?c=ar&i=83899
Andreja Sańnikava ja šanuju i pavažaju. U 2011 hodzie, pražyvajučy ŭ Londanie, ja sam asabista aktyŭna dapamahaŭ jahonaj siastry i jaje paplečnikam ź isnaj tady inicyjatyvy Free Belarus Now patrabavać vyzvaleńnia Sańnikava i inšych biełaruskich palitviaźniaŭ i byŭ vielmi rady, kali našyja ahulnyja namahańni dali plon, i pan Sańnikaŭ byŭ vyzvaleny.
Škada, darečy, što sajt Free Belarus Now bolš nie pracuje.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary