U BDU pačynaje pracavać Akademija veb-adukacyi dla školnikaŭ i studentaŭ
21 lutaha pačynajucca zaniatki ŭ Akademii veb-adukacyi Biełaruskaha dziaržaŭnaha ŭniviersiteta.
Prajekt raspracavany supracoŭnikami miechanika-matematyčnaha fakulteta BDU. Trochuzroŭnievaja prahrama navučańnia pryznačana dla vučniaŭ 7—11-ch kłasaŭ i studentaŭ VNU. Zaličeńnie ŭ akademiju słuchačoŭ starejšaha ŭzrostu arhanizatary pakul nie razhladajuć.
Pieršy ŭzrovień akademii — «Praca karystalnika ŭ internecie» — źjaŭlajecca bazavym. Tut słuchačoŭ navučać pracy ŭ hłabalnaj sietcy z nula, dapamohuć sfarmiravać navyki efiektyŭnaha pošuku infarmacyi ŭ internecie.
Druhi — «Dyzajn i prajektavańnie sajtaŭ» — praduhledžvaje navučańnie pabudovie klijenckich sajtaŭ. Zapłanavana taksama vyvučeńnie kampjutarnaj hrafiki dla veb-sajtaŭ, asnoŭ veb-dyzajnu, prajektavańnia i raspracoŭki sajtaŭ.
Na trecim uzroŭni — «Veb-technałohii» — słuchačy zmohuć atrymać prafiesijnyja viedy pa asnovach stvareńnia veb-dadatkaŭ, kampjutarnych raźmierkavanych technałohij, PHP, Java.
Jak paviedamiŭ zahadčyk kafiedry veb-technałohij i kampjutarnaha madelavańnia BDU Valeryj Ramančyk, siarod asnoŭnych met akademii — «likvidacyja internet-nieadukavanaści, baraćba z hulniavoj zaležnaściu, padrychtoŭka hodnych śpiecyjalistaŭ». «Internet-adukavanaść, ci «novaja adukavanaść», achoplivaje ŭsie baki žyćcia ŭ infarmacyjnym hramadstvie: umieńnie zamović bilet, pravieści apłatu praz hłabalnuju sietku, trapić u muziej ci biblijateku, pahladzieć peŭny film, patelefanavać biaspłatna», — adznačyŭ Ramančyk.
Mała chto sa studentaŭ i školnikaŭ siońnia nie karystajecca internetam, adnak mnohija heta robiać mietadam tyku, dadaŭ zahadčyk kafiedry, «uzrovień viedaŭ i razumieńnia zastajecca vielmi nizkim».
«Studentam i školnikam moža padacca, što materyjał, jaki my źbirajemsia padavać na pieršaj stupieńcy navučańnia ŭ akademii, im užo viadomy. Adnak my nie chacieli b pieravodzić słuchačoŭ na druhi etap bieź likvidacyi kampjutarnaj nieadukavanaści. Pakolki, jak pakazvaje praktyka, školniki internetam vałodajuć niedastatkova dobra», — padkreśliŭ jon.
Što datyčycca hulniavoj zaležnaści, to baraćba ź joj budzie ažyćciaŭlacca «šlacham bolš hłybokaha navučańnia». «Enierhija i intelekt buduć pieranakiravanyja na inšyja cikavyja rečy», — rastłumačyŭ Ramančyk.
Pavodle jaho słoŭ, prahrama akademii adroźnivajecca ad inšych anałahičnych adukacyjnych prajektaŭ u pieršuju čarhu tym, što jana źjaŭlajecca aŭtarskaj. Zaniatki ŭ akademii buduć vieści vykładčyki kafiedry veb-technałohij i kampjutarnaha madelavańnia BDU pry padtrymcy navučalnaha centra miechanika-matematyčnaha fakulteta.
Płanujecca, što zaniatki buduć prachodzić pa subotach i doŭžycca try akademičnyja hadziny. Praciahłaść kožnaha siemiestra składzie 48 hadzin. Košt adnaho siemiestra — 810 tysiač rubloŭ.
Na sajcie dystancyjnaha navučańnia akademii słuchačy zmohuć znajści prapuščany materyjał samastojna, a taksama vykanać praktyčnyja i damašnija raboty.
Paśla zakančeńnia słuchačam budzie vydavacca dakumient, jaki paćviardžaje prachodžańnie adukacyjnaha kursa. «Chutčej za ŭsio, heta buduć dypłomy pavyšeńnia kvalifikacyi, adnak da kanca hetaje pytańnie jašče nie prapracavana», — adznačyŭ Valeryj Ramančyk.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5454
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz54
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary