Były supracoŭnik słavackaj śpiecsłužby vydaŭ skandalnuju knihu.
Słavackaja kontrraźviedka SIS u siaredzinie 1990-ch hadoŭ aktyŭna vykarystoŭvała prastytutak dla dyskredytacyi viadučych apazicyjnych palitykaŭ. Pra heta raspavioŭ u novaj knizie «Komando 52» viadomy žurnalist i były supracoŭnik zhadanaj śpiecsłužby Pieter Tot.
U toj čas Słavakiju nazyvali «čornaj dzirkaj Jeŭropy», a pasadu premjer-ministra krainy zajmaŭ Uładzimir Miečjar, jaki byŭ hatovy zmahacca z apanientami lubymi mietadami. «Padobnyja praktyki, heta značyć, vykarystańnie prastytutak, u viedamstvie nazyvalisia «miadovy kapkan», u jaho trapili niekalki socień vielmi viadomych pravacentrysckich palitykaŭ krainy taho času».
Śpiecyjalnaje padraździaleńnie, jakoje ŭ słavackaj kontrraźviedcy zajmałasia apazicyjanierami, atrymała nazvu «Komando 52». Niekatorych palitykaŭ, pradprymalnikaŭ, žurnalistaŭ vykradali, źbivali, pazbaŭlali biznesu. Kontrraźviedčyki vykradali navat syna prezidenta Słavakii Michaiła Kovača.
Ź viadučymi apazicyjnymi palitykami ŭdzielniki «Komando 52» zmahalisia z dapamohaj prastytutak. Jany dziejničali pad žurnalisckim prykryćciom, źjaŭlalisia na hramadskich mierapryjemstvach, kab «uziać intervju» ŭ vyznačanaj achviary.
Z dapamohaj atrymanaha kampramatu śpiecsłužby prymušali palitykaŭ spynić krytyku ŭłady. U knizie nie nazyvajucca ich proźviščy, ale źmieščanyja namioki, z dapamohaj jakich niekatoryja asoby možna ŭstanavić.
Ciapier čytajuć
Vyzvaleny palitviazień Mikita Jemialjanaŭ — u svaje 26 hadoŭ daviedzieny da vielmi ciažkaha stanu zdaroŭja1
Vyzvaleny palitviazień Mikita Jemialjanaŭ — u svaje 26 hadoŭ daviedzieny da vielmi ciažkaha stanu zdaroŭja
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary