Jak i šmat stahodździaŭ raniej Kalady buduć sustrakać z muzykaj, teatram, tancami, humaram i rytualnym śmiecham. 25 śniežnia ŭ klubie Step adbudziecca Kaladny fest. Arhanizatar festu, lider hurta «Stary Olsa» Źmicier Sasnoŭski: «Zadača kožnaha muzyki pakazać charakternuju dla Kaladaŭ baraćbu chaosu i paradku».
Pavodle karnavalnaj tradycyi, jakuju kultyvavali na Kalady ŭ biełaruskich haradach, u adnym katle buduć zavarany abradavy falklor, siaredniaviečnyja tancy, vuličny teatar i zamkavaja muzyka. Statui mityčnych istotaŭ na scenie, daŭnija stroi, maski tacoraŭ i muzykaŭ stvorać nastroj apantanaj viesiałości!
Scenar festu nasyčany navinami. Upieršyniu vystupić muzyčny skład teatra «Javaryna». «Lićvinski chmiel» prapanuje novazasvojenyja siaredniaviečnyja tancy. «StaraLitva» napisała niekalki kampazycyjaŭ na starabiełaruskija vieršy i vykanaje ich u vyhladzie šamanskich zaklinańniaŭ. «Kielich koła» i «Rada» vystupiać z falklornaj kaladnaj prahramaj. «Stary Olsa» vykanaje padrychtavanyja admysłova da Kaladaŭ tvory z «Połackaha sšytku». Testamentum Terrae paznajomić z tvorami niadaŭna zapisanaha dysku i novarazyhranymi kampazycyjami. «LitvinTrol» vystupić z novym hitarystam i ŭpieršyniu vyniesie na sud hramadzkaści niekalki novych pieśniaŭ, jaki zaraz hurt zapisvaje ŭ studyi.
Zadača kožnaha muzyki pakazać charakternuju dla Kaladaŭ baraćbu chaosu i paradku. Adpaviednaja zadača i ŭ tancavalnych hurtoŭ «Javaryna» i «Histryjon», jakija buduć peryjadyčna pieravodzić publiku z chaosu va ŭparadkavanyja tancy i naadvarot. Arhanizatary čakajuć takich ža asensavana‑chaatyčnych pavodzinaŭ i ad naviedvalnikaŭ!
Kamientary