Aleś Arkuš napisaŭ raman, siarod hierojaŭ — Arłoŭ, Volski i Adamovič
U kalekcyi biełaruskich ramanaŭ, napisanych u žanry nieprydumanaj litaratury, źjaviłaja jašče adna kniha – «Miascovy čas».
Tvor Alesia Arkuša apisvaje kulturnickija padziei, jakija adbylisia na Połaččynie pry kancy 80-ch—u pačatku 90-ch hadoŭ. Jon budzie cikavy amataram i rok-muzyki, i litaratury, i rehijanalnaj historyi, i nacyjanalnaha abudžeńnia.
U hety pieryjad na Połackaj ziamli adbyŭsia šerah znakavych dla Biełarusi padziejaŭ – pieršyja hučnyja ekałahičnyja mitynhi, mocny rehijanalny litaraturny ruch, źjaŭleńnie biełaruskamoŭnych hurtoŭ i paŭstavańnie słavutaha Navapołackaha rok-kłubu, mnohaje inšaje.
Admietnaja padzieja taho času – zasnavańnie alternatyŭnaj savieckamu Sajuzu piśmieńnikaŭ litaraturnaj arhanizacyi Tavarystva Volnych Litarataraŭ. Siarod hałoŭnych hierojaŭ ramana – Siaržuk Sokałaŭ-Vojuš, Uładzimir Arłoŭ, Aleś Kuźmin, Jury Humianiuk, Słavamir Adamovič, Siaržuk Cimochaŭ, Lavon Volski…
Jak i apošniuju knihu Vincesia Mudrova «Bahun», raman Alesia Arkuša «Miascovy čas» vydała vydavieckaja inicyjatyva «Połackaje lada».
Kamientary