Siońnia spoŭniŭsia hod trahiedyi ŭ Ryzie, kali zahinuli 54 čałavieki
Siońnia spaŭniajecca hod z dnia trahiedyi ŭ supiermarkiecie «Maxima» ŭ ryžskim mikrarajonie Zalitude, kali ŭ vyniku abvalvańnia kanstrukcyj dachu zahinuli 54 čałavieki, u tym liku ratavalniki.
Siarod zahinułych byli baćki školnikaŭ miascovaj himnazii (niekatoryja dzieci stracili adrazu dvaich baćkoŭ), supracoŭniki dziciačaha sadka «Eŭryka», rabotniki mahazina. Taksama atrymali ranieńni 104 čałavieki.
U supiermarkiecie było dva abvalvańni, i druhoje adbyłosia, kali tam užo pracavali ratavalniki.
U Łatvii 23—25 listapada była abvieščana trochdzionnaja žałoba, žałobu abiaścili ŭ susiedniaj Litvie, pasolstva Łatvii ŭ Minsku adkryła knihu spačuvańniaŭ.
Supiermarkiet «Maxima» ŭ Zalitude byŭ adkryty ŭ 2011 hodzie i atrymaŭ pryznańnie jak adzin z troch lepšych architekturnych prajektaŭ hoda.
Paśla trahiedyi syšoŭ u adstaŭku premjer-ministr Łatvii Vałdzis Dambroŭskis, a niekatoryja adkaznyja asoby ŭ śfiery kantrolu za budaŭnictvam pazbavilisia svaich pasadaŭ.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ5
Kamientary