Pradstaŭniki 80 krain, u tym liku Biełarusi, udzielničajuć u trecim Suśvietnym forumie ŭ padtrymku demakratyi, jaki adkryvajecca 3 listapada ŭ Strasburhu. Mierapryjemstva arhanizavana Radaj Jeŭropy.
Siarod udzielnikaŭ forumu — kala 1.200 aktyvistaŭ, palityčnych lidaraŭ, deputataŭ, pradstaŭnikoŭ hramadzianskaj supolnaści i ŚMI. Asnoŭnaj temaj forumu stanie abmierkavańnie novych šlachoŭ pryciahnieńnia maładych hramadzian da hramadskaha žyćcia i pošukaŭ novych form demakratyčnaha ŭdziełu.
Płanujecca, što mierapryjemstva adkryjuć ministr pa jeŭrapiejskich spravach Francyi Arlem Dezir i prezident Fondu daśledavańniaŭ tendencyj u ekanomicy Džeremi Ryfkin. Siarod udzielnikaŭ forumu taksama zajaŭleny staršynia PARIE An Brase, zasnavalnik i kiraŭnik maładziožnych hramadskich arhanizacyj z Hankonha Juk Chuej, juryst rasijskaha pravaabarončaha centra «Miemaryjał» Kirył Karaciejeŭ, ministr moładzi i sportu Ukrainy Dźmitryj Bułataŭ i inšyja.
U miežach forumu, jaki budzie doŭžycca pa 5 listapada ŭklučna, adbudziecca ŭručeńnie premij za demakratyčnyja inavacyi, premii Falkane i premii «Reparcioraŭ bieź miežaŭ» za svabodu presy.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ94
Kamientary