«Krambambula» vystupiła ŭ Breście pad vokličy «Žyvie Biełaruś!» VIDEA, FOTA
Adzin z samych viadomych biełaruskich rok-festaŭ «Men's Fest 2014» adbyŭsia ŭ bieraściejskim kłubie «Śfiera». Hetaja impreza reprezientuje novuju biełaruskuju muzyku va ŭsioj raznastajnaści žanraŭ, tamu ŭ adzin viečar na tuju ž scenu mohuć vyjści jak mietalisty, hetak i pop-rokiery.
Sioletni skład festu, jaki prachodziŭ užo 5-ty raz, byŭ nadzvyčaj mocny. Hetym razam na «Men's Fest» vystupili «Nizkiz», «Nagual», «Re1ikt», «Navi» i «Jungle X-mas».
Chedłajnieram fiestyvalu była «Krambambula». Lidar hurta Lavon Volski, jaki byŭ u hetak zvanym «čornym śpisie», pryznaŭsia, što vielmi daŭno nie vystupaŭ z hetym prajektam u Biełarusi i ździŭleny, što ŭrešcie muzykam dali takuju mahčymaść.
Padčas vystupu «Krambambuli» hledačy niekalki razoŭ skandavali: «Žyvie Biełaruś!»
«Sens našaha festu – pakazać usiu raznastajnaść ajčynaj muzyki, tamu štohod my zaprašajem usio novyja hurty, – skazaŭ arhanizatar imprezy Źmicier Nazaraŭ. – I kali naš fest žyvie i raźvivajecca ciaham piaci hadoŭ, to heta sapraŭdy treba ludziam».
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ112
Kamientary