Jeŭrapiejskaje ahienctva avijacyjnaj biaśpieki abjaviła, što mabilnyja telefony možna pakidać uklučanymi padčas palotu.
Ahienctva pryznała, što takija elektronnyja pryłady nie ŭjaŭlajuć pahrozy biaśpiecy palotu. Ciapier pasažyry abaviazanyja pierad uźlotam albo vyklučać svaje telefony, albo pieraklučać ich u śpiecyjalny režym, nie jaki praduhledžvaje mabilnaj suviazi, pieradaje BBC.
Tym nie mienš, ahienctva paviedamlaje, što kožnaja avijakampanija pavinna budzie sama acanić, nakolki biaśpiečna vykarystańnie elektronnych pryład na borcie jaje samalotaŭ, i pierakanacca, što sihnały mabilnych pryład nie ŭpłyvajuć na pracu sistem pavietranaha sudna.
U vyniku ŭviadzieńnie novych pravił u niekatorych avijakampanijach moža zatrymacca.
U ahienctvie taksama dadajuć, što kožnaja asobnaja avijakampanija moža prytrymlivacca svaich ułasnych pravił vykarystańnia mabilnych pryład na borcie samalotaŭ.
Hety krok zdymaje apošniuju narmatyŭnuju pieraškodu dla pasažyraŭ u Jeŭropie, jakim nieabchodna patelefanavać z sałona samalota abo vykarystoŭvać Wi-Fi padčas palotu, navat padčas uźlotu i pasadki.
Ale heta zusim nie aznačaje, što, kali vy palacicie kudy-niebudź u nastupny raz, vam pryjdziecca ciarpieć pobač pasažyra, jaki bieź pierapynku bałboča pa telefonie.
Pa-pieršaje, na vyšyni 10 tysiač mietraŭ nie budzie sihnału. Va ŭsiakim vypadku, u bližejšyja hady.
Pa-druhoje, avijakampanijam pryjdziecca pajści na vydatki, kali jany zachočuć abstalavać svaje samaloty takim čynam, kab telefony i Wi-Fi pa čas palotu ŭ ich sapraŭdy pracavali.
I pa-treciaje, mnohija pasažiry buduć suprać, i ich mierkavańnie pryjdziecca ŭličvać.
Naprykład, British Airways lotaje rejsam Łondan — Ńju-Jork, na jakim jość tolki biznes-kłas. Pasažyram hetaha rejsa ŭžo dazvolena karystacca telefonami.
Jany karystajucca Wi-Fi i adpraŭlajuć SMS-paviedamleńni, ale błakujuć telefonnyja zvanki. Pryčyna ŭ tym, što kožny raz bolšaść pasažyraŭ nie choča, kab kožny druhi ŭ sałonie havaryŭ pa telefonie padčas palotu.
Tak što pakul pasažyrskija avijałajniery zastajucca adnym ź niešmatlikich miescaŭ, dzie vy možacie całkam adklučycca ad pracy.
Kamientary