Pra heta paviedamiła karespandentu BiełTA hałoŭny sinoptyk Respublikanskaha hidramieteacentra Śviatłana Rybakova.
U piatnicu ŭmovy nadvorja na terytoryi Biełarusi ŭ asnoŭnym budzie vyznačać vobłaść pavyšanaha atmaśfiernaha cisku. Pieravažna biez apadkaŭ, tolki ŭ zachodnich rajonach projduć karotkačasovyja daždžy. Nočču i ranicaj u niekatorych rajonach čakajecca słaby tuman. Tempieratura pavietra ŭnačy składzie plus 1—7 hradusaŭ, pa zachadzie krainy budzie da 9 hradusaŭ ciapła, miescami prahnazujucca zamarazki ad 0 da minus 3 hradusaŭ,
dniom — ad 12 da 18 hradusaŭ ciapła.
U subotu tempieratura pavietra ŭnačy składzie plus 2—8 hradusaŭ, pa paŭnočnym zachadzie čakajucca daždžy i da +10 hradusaŭ, pa paŭdniovym uschodzie — miescami sinoptyki prahnazujuć zamarazki da minus 3 hradusaŭ, udzień — da +12—17.
«U niadzielu terytoryja Biełarusi apyniecca pad upłyvam antycykłonu, jaki raskinuŭsia nad Zachodniaj Jeŭropaj, tak što čakajecca całkam kamfortnaje nadvorje», — adznačyła Śviatłana Rybakova.
Apadkaŭ u asnoŭnym nie prahnazujecca, miescami buduć tumany. Tempieratura pavietra ŭnačy składzie plus 3—9 hradusaŭ, na tarfianikach Paleśsia mahčymy słabyja zamarazki, dniom pry nievialikaj vobłačnaści pavietra prahrejecca da plus 12—18.
U pieršy dzień nastupnaha tydnia ŭ Biełarusi čakajecca pieravažna biez apadkaŭ, miescami zhuścicca tuman. Tempieratura pavietra ŭnačy składzie plus 3—10 hradusaŭ, na tarfianikach Paleśsia słabyja zamarazki da minus 2 hradusaŭ, dniom pavietra prahrejecca da 13—18 vyšej za nul, pa paŭdniovym zachadzie — da plus 20 hradusaŭ.
U aŭtorak nočču pa poŭnačy, dniom u niekatorych rajonach krainy čakajucca nievialikija karotkačasovyja daždžy. Unačy prahnazujecca ad 3 da 10 hradusaŭ ciapła, dniom pavietra prahrejecca da plus 12—18, u paŭdniovych rajonach — da 20 hradusaŭ sa znakam plus.
Anžaliku Mielnikavu bačyli ŭ Minsku ŭ «Dana Mole»53
Kamientary