ŁDPB prapanuje pravieści prezidenckija vybary ŭ sakaviku-krasaviku 2015 hoda
Libieralna-demakratyčnaja partyja Biełarusi (ŁDPB) prapanuje nie adkładać prezidenckija vybary da nastupnaj vosieni, a pravieści ich u sakaviku-krasaviku 2015 hoda.
«Libieralna-demakratyčnaja partyja źviartajecca da prezidenta, Nacyjanalnaha schodu i Centrvybarkama z prapanovaj pryznačyć prezidenckija vybary na sakavik-krasavik 2015 hoda», — havorycca ŭ paviedamleńni pres-słužby partyi. Heta rašeńnie było pryniata 30 žniŭnia ŭ chodzie XVII pazačarhovaha źjezdu ŁDPB.
U partyi miarkujuć, što viasna-2015 — aptymalnaja data dla praviadzieńnia vybaraŭ pa mnohich pryčynach, «u hety čas udzieł u vybarach prymie maksimalnaja kolkaść vybarščykaŭ».
Libieralna-demakratyčnaja partyja Biełarusi maje namier pravieści kanhres, na jakim budzie pradstaŭlena prahrama pretendenta ŭ kandydaty na pasadu prezidenta ad ŁDPB Siarhieja Hajdukieviča.
Nahadajem, čarhovyja vybary prezidenta Biełarusi pavinny prajści nie paźniej za 20 listapada 2015 hoda. Data ich praviadzieńnia pavinna być pryznačanaja nie paźniej za 20 žniŭnia 2015 h.
Papiarednija vybary prezidenta Biełarusi adbylisia ŭ śniežni 2010 hoda.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary