Ab hetym piša niamieckaje vydańnie Frankfurter Allgemeine Zeitung.
Pavodle vydańnia, bazy buduć stvoranyja ŭ piaci ŭschodniejeŭrapiejskich krainach: Polščy, Rumynii, Estonii, Łatvii i Litvie. Na hetych bazach buduć raźmieščany 4 tys. vajskoŭcaŭ u składzie adździełaŭ chutkaha reahavańnia.
Takim čynam kiraŭnictva Aljansu maje namier harantavać biaśpieku svaich čalcoŭ ad Rasii.
Raniej abmiarkoŭvałasia stvareńnie tolki adnoj polskaj bazy, jakaja moža raźmiaščacca ŭ polskim horadzie Ščecin.
Adnak paźniej polskija čynoŭniki zrabili zajavu, što hety prajekt nie budzie realizavany. A kiraŭnictva NATO da rasijskaha ŭvarvańnia nieadnarazova kazała, što biaśpieka krain — susiedziaŭ Rasii nie patrabuje budaŭnictva novych baz.
Adznačajecca, što bolš padrabiazna płany ab stvareńni novych baz buduć abmiarkoŭvacca na samicie Paŭnočnaatłantyčnaha aljansu, jaki adbudziecca 4-5 vieraśnia va Uelsie.
Kamientary