Złačynnyja dziejańni niačystych na ruku kiraŭnikoŭ vyklikajuć stratu davieru da orhanaŭ ułady.
Ab hetym zajaviŭ Alaksandr Łukašenka na naradzie ab udaskanaleńni zakanadaŭstva pa baraćbie z karupcyjaj.
«Złačynnyja dziejańni niačystych na ruku kiraŭnikoŭ vyklikajuć stratu davieru da orhanaŭ ułady, abciažarvajuć funkcyjanavańnie hramadskich miechanizmaŭ, pieraškadžajuć realizacyi ŭ krainie inviestycyjnych prajektaŭ, surjozna ŭpłyvajuć na ekanamičnyja sistemy subjektaŭ haspadarańnia, — padkreśliŭ Łukašenka. — Tamu lubaja sproba vyrašyć svaje škurnyja pytańni, urvaŭšy niešta ŭ dziaržavy abo dziejničajučy ŭ abychod aficyjnych pracedur praź niejkija suviazi, dary patrebnym ludziam, adkaty, raśpiłoŭvańni i pabory, pavinna karacca biez ahladki na čyny, zvańni i raniejšyja zasłuhi pravaparušalnika».
Kiraŭnik dziaržavy adznačyŭ, što ŭžo nie ŭ pieršy raz viadziecca havorka pra toje, jak efiektyŭna procidziejničać hetamu sacyjalnamu złu.
«Dumaju, niama nieabchodnaści tłumačyć, jakuju niebiaśpieku niasie karupcyja. Jaje niezdarma ličać adnoj z najbolš značnych pahroz nacyjanalnaj biaśpieki», - skazaŭ Alaksandr Łukašenka. Na jaho dumku, karupcyjnyja pracesy zdolnyja razburyć lubuju, samuju daskanałuju sistemu — sacyjalnuju i ekanamičnuju. Dyspraporcyja ŭ dachodach karumpavanaj i zakonapasłuchmianaj častak nasielnictva zakanamierna stanovicca padstavaj dla narastańnia hramadskaha pratestu.
Pry hetym, pavodle jaho słoŭ, važna razumieć: karupcyja - heta nie tolki chabary, jakija va ŭsich na słychu. Karupcyjnyja schiemy šmatlikija i ŭdaskanalenyja, jany vyjaŭlajucca ŭ samych roznych śfierach dziejnaści i pastajanna źmianiajucca ŭ zaležnaści ad žyćciovych realij.
Jak ličyć Łukašenka, heta abaviazvaje efiektyŭna reahavać na ŭsie karupcyjnyja ryzyki i pahrozy. «I, ja miarkuju, nam całkam pad siłu vytrucić z asobnych rozumaŭ smahu niezakonnaj nažyvy i stvaryć takija ŭmovy, jakija prymusiać usiakaha amatara lohkich hrošaj mocna zadumacca: a ci varta aŭčynka» — padkreśliŭ Alaksandr Łukašenka.
«Prynamsi, tyja siadzielcy, jakija adbyli abo adbyvajuć adpaviednyja terminy, vyrazna adkazvajuć na hetaje pytańnie», — adznačyŭ kiraŭnik dziaržavy.
Ciapier čytajuć
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary