Rasija praz małaviadomuju zarehistravanuju ŭ Izraili kampaniju GLI Ltd prapanuje kampanijam, jakija pracujuć u Polščy, kupić 1 młrd kubamietraŭ hazu pa $270 za tysiaču kubamietraŭ.
Pra heta piša polskaja Rzeczpospolita, adznačajučy, što heta prapanova moža być źviazana ź situacyjaj va Ukrainie, jakoj «Hazprom» pahražaje adklučeńniem hazu z červienia biahučaha hoda i sprobaj pałamać płany pa źnižeńni enierhietyčnaj zaležnaści ad Rasii.
Jak adznačajecca, košt u $270 za tysiaču kubamietraŭ na 35% tańniej koštu paliva, jakoje kuplajecca nacyjanalnym naftahazavych hihantam PGNIG u «Hazproma».
«Sproba zapuścić na naš rynak 1 młrd kubamietraŭ hazu pavinna pakazać, što my možam rabić roznyja zajavy adnosna enierhietyčnaha sajuza, ale toje, jak budzie vyhladać rynak, usio roŭna vyrašyć vytvorca syraviny. Rasiejcy, navat kali b pastavili takuju kolkaść, finansava vyjhrali b mała, ale palityčna — vielmi šmat», — skazaŭ na ŭmovach ananimnaści pradstaŭnik PGNIG.
Polšča štohod spažyvaje kala 15 młrd kubamietraŭ hazu.
Hazieta adznačaje, što PGNIG, jakaja kuplaje haz u Rasii pa jamalskim kantrakcie i pradaje jaho spažyŭcam u Polščy, płacić ciapier za tysiaču kubamietraŭ kala $410.
Vydańnie ličyć pahroźlivym dla enierhietyčnaj biaśpieki krainy zaklučeńnie kantraktaŭ z takimi pasiarednikami, pakolki adrazu paŭstaje arhumient: navošta inviestavać srodki ŭ dyviersifikacyju pastavak, kali adrazu možna kuplać haz tańniej?
Pa dadzienych haziety, ludzi, jakija pradstaŭlajuć GLI Ltd ŭ Polščy, — Ludmiła Hrosman i Jihał Farkaš — raniej pracavali ŭ abaronnym biźniesie i mała viadomyja na polskim rynku enierhietyki.
Vydańnie nie maje dadzienych, ci skarystałasia jakaja-niebudź polskaja kampanija prapanovaj GLI Ltd, ale adznačaje, što jana źjaviłasia na rynku niekalki tydniaŭ tamu.
Jak paviedamlałasia, kiraŭnik polskaha ŭrada Donald Tusk paśla zachopu Kryma Rasijaj i destabilizacyi situacyi na paŭdniovym uschodzie Ukrainy zaklikaŭ Jeŭrapiejski Sajuz stvaryć novy enierhietyčny sajuz, dziakujučy jakomu krainy abjadnańnia mahli b lepš supraćstajać enierhietyčnaj zaležnaści ad Rasii, jakaja vykarystoŭvaje jaje ŭ palityčnych metach.
Polšča, u pryvatnaści, prapanuje ES sumiesna vieści pieramovy ab kupli hazu zamiest dvuchbakovych pieramovaŭ na ŭzroŭni krain, što pryvodzić da roznych koštaŭ na rasijskaje «błakitnaje paliva» dla jeŭrapiejskich dziaržaŭ.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary