Zaciaty boj spałachnuŭ kala budynku milicyi Maryupala. Jak paviedamlaje ŭkrainskaje aficyjnaje ahienctva Ukrinfarm, zahinuŭ kamandzir Dnieprapiatroŭskaje bryhady Nacyjanalnaje hvardyi Ukrainy Siarhiej Dziemidzienka.
Pavodle śviedčańniaŭ vidavočcaŭ, terarysty ździekavalisia ź cieła zabitaha Dziemidzienki, jamu adrezali vušy i vykałali vočy», — napisaŭ u svaim fejsbuku prysutny ŭ Maryupali deputat Viarchoŭnaj Rady Aleh Laško.
U budynku milicyi horada ŭźnik pažar.
Voś što paviedamiŭ ministr unutranych spraŭ Ukrainy:
«Hrupaj terarystaŭ kala 60 čałaviek, uzbrojenych aŭtamatyčnaj zbrojaj, była pradpryniataja ataka na haradździeł milicyi.
Była sproba zachopu budynka, biez usialakich papiarednich patrabavańniaŭ. U budynku adbyŭsia boj, jaki pieratvaryŭsia ŭ poŭnamaštabnaje bajavoje sutyknieńnie pa fakcie padychodu padmacavańnia z boku Uzbrojenych sił i padraździaleńnia «Amieha» Nachvardyi. U vyniku boju značnaja častka hrupoŭki terarystaŭ była źniščana.
Kala 20 terarystaŭ źniščana, čaćviora ŭziatyja ŭ pałon. Značnaja častka tych, chto napadaŭ, źnikła ŭ žyłych kvartałach horada, paskidaŭšy zbroju.
Straty milicyi — adzin zabity, 5 paranienych. Udakładniajucca straty ŭ składzie Uzbrojenych sił», — zajaviŭ ministr unutranych spraŭ Ukrainy Arsień Avakaŭ.
Danieckaja abłasnaja administracyja paviedamlaje pra troch zabitych i 25 paranienych, nie ŭdakładniajučy, ź jakich bakoŭ.
Kamientary