Telefonnaja razmova kiraŭnikoŭ ZŠA i Niamieččyny adbyłasia na fonie pahrozaŭ Rasii spynić pastaŭki hazu ŭ Jeŭropu.
Prezident ZŠA Barak Abama zaklikaŭ Jeŭropu być hatovaj da ŭviadzieńnia novych sankcyj suprać Rasiei z pryčyny situacyi na Ukrainie, paviedamiŭ Bieły dom.
«Prezident padkreśliŭ nieabchodnaść dla ZŠA i Jeŭrasajuza, inšych suśvietnych partnioraŭ, być hatovymi da taho, kab adkazać na novuju eskałacyju z boku Rasiei dadatkovymi sankcyjami», — havorycca ŭ raspaŭsiudžanaj Biełym domam zajavie adnosna hutarki, što adbyłasia.
Abama i Mierkiel havaryli pra «tryvožnuju» situacyju na paŭdniovym uschodzie Ukrainy. Jany «znoŭ zaklikali Rasiju advieści vojski ad miažy (z Ukrainaj)».
Kiraŭniki najbolšych demakratyčnych dziaržavaŭ padtrymlivajuć «namahańni ŭrada Ukrainy pa ažyćciaŭleńni kanstytucyjnaj reformy», a taksama vykazalisia ŭ karyść «finansavaj padtrymki z boku suśvietnaj supolnaści».
Havorka išła taksama ab padrychtoŭcy čatyrochbakovaj sustrečy pa Ukrainie, jakaja maje adbycca ŭ farmacie Ukraina — Rasija — ZŠA — ES.
Tłom razmovy stała zajava Pucina pra mahčymyja zboi ŭ pastaŭkach hazu ŭ Jeŭropu ŭ vypadku, kali Ukraina nie pahasić zapazyčanaści pa apłacie za haz. Jany nazapasilisia ŭ časie kiravańnia byłoha prezidenta Viktara Janukoviča, ale tady nie vyklikali ŭltymatumaŭ Rasii.
U čaćvier stała viadoma, što Ukraina i NATA supolna raspracavali płan uzmocnienych mier kryzisnaha rehulavańnia, źviazanych z abaronaj abjektaŭ krytyčnaj infrastruktury i abaronaj hramadzianskaha nasielnictva va ŭmovach mahčymaha dalejšaha paharšeńnia situacyi biaśpieki ŭ asobnych rehijonach Ukrainy.
Uzajemadziejańnie Ukrainy z NATA u śfiery płanavańnia na vypadak kryzisnych situacyj budzie praciahnutaje i ŭ dalejšym, adznačajecca ŭ paviedamleńni pres-słužby MZS Ukrainy.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary