MNS prypyniła rabotu 37 prydarožnych kafe z-za pažarnaj niebiaśpieki
U vyniku rejda MNS-nikaŭ pa abjektach prydarožnaha servisu Minskaj vobłaści byli vyjaŭlenyja parušeńni praviłaŭ pažarnaj biaśpieki. Siarod parušalnikaŭ apynułasia i vialiki restaran «Ačah», što znachodzicca na ŭjeździe ŭ Baraŭlany. Pra heta paviedamlaje sajt ministerstva pa nadzvyčajnych situacyjach.
Na dadzienych abjektach «isnuje niepasrednaja pahroza ŭźniknieńnia pažaru, a taksama žyćciu i zdaroŭju ludziej. Dadzienym abjektam prydarožnaha servisu vyniesienyja patrabavańni ab zabaronie ich ekspłuatacyi».
«Na bolšaści abjektaŭ, pa jakich vyjesienyja patrabavańni ab zabaronie ich ekspłuatacyi, absłuhoŭvajučy piersanał nie maje dastatkovyja viedy pra miery pažarnaj biaśpieki. Azdableńnie šlachoŭ evakuacyi vykanana zharalnymi materyjałami, što ŭ vypadku ŭźniknieńnia nadzvyčajnaj situacyi budzie pieraškadžać paśpiachovaj evakuacyi ludziej z budynka. Dapuskajecca ekspłuatacyja elektrasietak z parušeńniami. Abjekty nie zabiaśpiečanyja dastatkovaj kolkaściu pieršasnych srodkaŭ pažaratušeńnia, adsutničajuć vonkavaje supraćpažarnaje vodazabieśpiačeńnie, sistema pažarnaj aŭtamatyki. Parušajucca praviły pažarnaj biaśpieki i pry vykarystańni adkrytaha ahniu (manhały, barbiekiu): nie vykonvajucca adlehłaści ad budynkaŭ i zbudavańniaŭ da śpiecyjalnych prystasavańniaŭ dla padrychtoŭki ježy», — adznačajecca ŭ paviedamleńni.
Dziejnaść ustanoŭ była prypyniena, a kiraŭnikam pradpryjemstvaŭ zahadali ŭ naležny termin prybrać parušeńni.
Kamientary