Palitźniavoleny Vasil Parfiankoŭ etapavany ŭ papraŭčuju kałoniju № 9 u Horkach, paviedamlaje pravaabarončy sajt spring96.org. Dahetul małady čałaviek utrymlivaŭsia ŭ SIZA ŭ Žodzina.
5 śniežnia sud Pieršamajskaha rajona Minska pryznaŭ Parfiankova vinavatym u parušeńni praviłaŭ previentyŭnaha nahladu (art. 421 Kryminalnaha kodeksa): nieadnarazovaja niajaŭka dla rehistracyi ŭ adździaleńnie milicyi, prychod damoŭ paśla 20.00. Parfiankova pryhavaryli da hoda pazbaŭleńnia voli ŭ kałonii strohaha režymu z prymusovym lačeńniem ad chraničnaha ałkahalizmu pa miescy adbyćcia pakarańnia.
28 studzienia Minski haradski sud pakinuŭ prysud pieršaj instancyi ŭ sile.
U 2011 hodzie Parfiankoŭ byŭ asudžany ŭ miežach kryminalnaj spravy ab masavych biesparadkach u Minsku 19 śniežnia 2010 hoda. Jaho pryhavaryli da čatyroch hadoŭ pazbaŭleńnia voli ŭ kałonii strohaha režymu, ale ŭ žniŭni taho ž hoda asudžany vyjšaŭ na volu na padstavie ŭkaza prezidenta ab pamiłavańni. Paśla hetaha były palitźniavoleny nieadnarazova źviedvaŭ pieraśled z boku ŭładaŭ.
Pieraśled Parfiankova pravaabaroncy razhladajuć jak pomstu ŭładaŭ i sprobu nacisku na hramadskich aktyvistaŭ.
Kamientary