Nazvy stancyj u mietro z 20 krasavika buduć abviaščać pa-biełarusku i pa-anhlijsku
Nazvy stancyj u minskim mietro z 20 krasavika buduć abjaŭlać na biełaruskaj i anhlijskaj movach. Pra heta karespandentu BiełTA paviedamiŭ načalnik KUP «Minski mietrapaliten» Raścisłaŭ Jurenia.
U suviazi z praviadzieńniem u biełaruskaj stalicy čempijanatu śvietu pa chakiei ŭ pracy mietrapalitena płanujecca ŭviadzieńnie novych rečaŭ.
«Uvieś błok moŭnych abjavaŭ u vahonach i na stancyjach budzie dublavacca na anhlijskaj movie, u tym liku nazvy stancyj. Zapis ŭžo praviedzieny, zastałosia jaho zahruzić u infarmatary. Hetaja sistema budzie zapuščana z 20 krasavika», — adznačyŭ Raścisłaŭ Jurenia.
«Kantraloram i kasiram vydali 200 rasijska-anhlijskich i anhła- rasijskich razmoŭnikaŭ, dla taho kab jany zmahli chacia b na bazavym uzroŭni kantaktavać z zamiežnymi haściami. Akramia taho, płanujecca pryciahnuć studentaŭ Minskaha dziaržaŭnaha linhvistyčnaha univiersiteta, isnuje papiaredniaja damoŭlenaść. Jany buduć dziažuryć kala kantraloraŭ, dla taho kab dapamahčy ŭdzielnikam i zaŭziataram čempijanatu zaryjentavacca ŭ nieznajomym horadzie», — raspavioŭ Raścisłaŭ Jurenia.
Kamientary