Dvuch padpałkoŭnikaŭ staličnaj milicyi padazrajuć u kradziažy hrošaj u banku
Načalnik adździeła maralnaści i procidziejańnia handlu ludźmi Zavodskaha RUUS padpałkoŭnik P., a taksama jaho padnačaleny padpałkoŭnik H. padazrajucca ŭ saŭdziele ŭ kradziažu srodkaŭ ZAT «Ideja Bank».
Varta adznačyć, što tolki za apošnija try miesiacy pravaachoŭnymi orhanami Minska była zaviedziena ŭžo bolš za 5 kryminalnych spraŭ pa kradziažy srodkaŭ ZAT «Ideja bank». Havorka idzie ab atrymańni roznymi asobami kredytaŭ banka biez namieru jaho paśla addavać. Hetyja dziejańni Śledčy kamitet kvalifikuje jak ździajśnieńnie pa art.209 Kryminalnaha kodeksa Biełarusi (machlarstva). U asnoŭnym u spravach fihurujuć nievialikija sumy ŭ rajonie 4-7 miljonaŭ rubloŭ, dla atrymańnia jakich patrebien minimum dakumientaŭ. Adnak čarhovy fakt kradziažu srodkaŭ ZAT «Ideja bank» vybiŭsia z ahulnaj kalainy nie tolki sumaj, ale i suŭdziełam u im dvuch padpałkoŭnikaŭ milicyi.
Pavodle dadzienych Śledčaha kamiteta, spačatku kryminalnaja sprava była zaviedzienaja na 27-hadovuju žančynu i 28-hadovaha mužčynu - žycharoŭ Minska. Jany padazrajucca ŭ tym, što 10 i 16 lipienia 2013 hoda ašukanskim šlacham zavałodali 19,4 miljonami rubloŭ, jakija naležać ZAT «Ideja Bank». Hetyja dziejańni byli kvalifikavanyja Śledčym kamitetam pa č.2 art.209 Kryminalnaha kodeksa (machlarstva, učynienaje hrupaj asob).
U chodzie praviadzieńnia apieratyŭna-vyšukovych mierapryjemstvaŭ Hałoŭnym upraŭleńniem ułasnaj biaśpieki (HUUB) MUS było ŭstanoŭlena, što, mahčyma, chaŭruśnikami złačynstva źjaŭlajucca načalnik adździeła Zavodskaha RUUS Minska padpałkoŭnik P. i apierupaŭnavažany hetaha ž adździeła padpałkoŭnik milicyi H. U dačynieńni da padpałkoŭnikaŭ, adzin ź jakich zatrymany, taksama zaviedzienaja kryminalnaja sprava. Viadziecca rasśledavańnie.
Varta adznačyć, što zusim niadaŭna staličnuju milicyju ŭzrušyŭ bujny kryminalny skandał, kali była zaviedzienaja kryminalnaja sprava adrazu na čatyroch bajcoŭ śpiecpadraździaleńnia AMAP. Jany padazrajucca ŭ ździajśnieńni rabavańniaŭ žycharoŭ stalicy. Pry hetym amapaŭcy byli zvolnienyja kiraŭnictvam pa pahadnieńni bakoŭ, kab zachavać čyściniu mundzira. Adnamu z padazravanych ŭdałosia schavacca - jon ciapier znachodzicca ŭ vyšuku.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ11
Kamientary