Top-5 kancertaŭ u Minsku ŭ nastupnyja miesiacy

Kaniečnie, kaniec siezona 2013, nie taki nasyčany jak było letaś, adnak abrać sabie kancert na svoj hust možna.

«Naša Niva» abrała dla vas piać kancertaŭ u Minsku, jakija prapuskać nie varta. Prynamsi, naviedać dla likbiezu.

Džo Banamasa – 18 kastryčnika

Pałac Respubliki

Tut varta śpiašacca ŭchapić apošnija kvitki – zaŭtra ŭ Pałacy Respubliki vystupić hałoŭny hieroj ciapierašniaha bluz-roka Džo Banamasa, jaki praciahvaje pracavać u tradycyjach Džymi Chendryksa, hurtu Cream i h.d.

Adnojčy Banamasa ŭžo vystupaŭ u Minsku, ale na paŭpryvatnym kancercie i za šalonyja hrošy. Ciapier ža pasłuchać bluz viersii 2.0 možna pa dosyć demakratyčnym košcie ad 320 tysiač rubloŭ.

Milen Farmer – 27 kastryčnika

Minsk-Arena

Francuzskaja pop-dziva Milen Farmer paabiacała ledź samyja tannyja kvitki ŭ tury dla Biełarusi. U vyniku praniknucca tvorčaściu samaj zasłužanaj artystki Francyi kaštuje ad 660 tysiač rubloŭ.

Varta iści pa niekalkich pryčynach.

Pa-pieršaje, chity, jakich u Farmer za karjeru nabrałasia dastatkova. Pa-druhoje, šou – Milen sapraŭdny majstar ładzić šou na scenie. Treciaje – cikava ž, što na kancercie budzie takoha, što kaštuje jak 1.5 Depeche Mode.

Enia Marykone – 8 listapada

Minsk-Arena

A voś sapraŭdny kłasik suśvietnaha saŭndtreka, 85-hadovy metr stvareńnia zapaminalnaj miełodyi Eni Marykone, jakoha i pradstaŭlać nie maje sensu: jon aŭtar muzyki bolej čym da 300 stužak, pastajanny ŭdzielnik składanak kštałtu The Very Best of Insrumental Greatest Golden Hits, jakija i składajucca ź jahonaj tvorčaści adsotkaŭ hetak na 90.

Deep Purple – 10 listapada

Minsk-Arena

Nichto nie čakaŭ, što ŭ ciapierašniaj svajoj inkarnacyi hurt Deep Purple zmoža zapisać nastolki tryvałuju, jakasnuju kružełku jak Now What?

Samaja lubimaja na ajčynnych prastorach kamanda brytanskaha roku pa ekzistencyjnych pryčynach pryjedzie nie załatym składam, adnak pasłuchać Jena Hiłana z tavaryšami žyŭcom, čamu b i nie? Tym bolš, kab razam ź Minsk-Arenaj choram paśpiavać Smoke on the Water.

Glenn Miller Orchestra – 12 listapada

Pałac Respubliki

Kaniešnie, heta nie «toj samy» arkiestr Hlena Milera, kali ŭličyć, što sam maestra Miler zahinuŭ jašče ŭ 1944 h., to i jaho arkiestr užo šmat razoŭ źmianiŭ skład.

Adnak prapanavany nam niamiecki varyjant arkiestru badaj što samy cikavy: u śviecie arkiestraŭ Hlena Milera niekalki, adnak treba addać naležnaje kiraŭniku Uiłu Sałdenu – u jahonym vykanańni takaja kłasika jak In the Mood, Moonlight Serenade, American Patrol hučyć amal jak u aryhinale.

• 0
• 0
• 0
• 0
• 0
• 0
• 0
• 0