Kiraŭnik Biełarusi padčas naviedvańnia pradpryjemstva «Motavieła» raspavioŭ pra toje, čym adroźnivajecca biełaruski rovar ad italjanskaha.
«Čamu ja biaru ź piaciorki hetych rovaraŭ, jakija ŭ mianie jość, ja biaru italjanski rovar, a nie tvoj? — cytuje słovy Alaksandra Łukašenki telekanał STV. —
Čamu? Biaru, mieziencam padymaju jaho, jon paŭtara-dva kiłahrama vahoj.
Čamu ja tvoj nie biaru? [Łukašenka źviartajecca da dyrektara biełaruskaha pradpryjemstva] Tvoj u mianie visić, akuratna pad dacham padviešany — ja jaho dźviuma rukami, zdarovy mužyk i dźviuma rukami zdymaju. Kali ty zrobiš rovar narmalny?» — zajaviŭ Łukašenka Alaksandru Muraŭjovu, kiraŭniku «Motavieła».
Jeŭraradyjo pacikaviłasia ŭ niekalkich staličnych kramach, ci prosta nabyć u Biełarusi italjanski rovar i kolki jon kaštuje. Adnak pradaŭcy tolki raźviali rukami. Maŭlaŭ, šukajcie u internecie, my pradajom zvyčajnyja rovary, navat marak italjanskich vam nazvać nie možam.
Pošuki ŭ internecie vyvodziać adrazu na niekalki marak rovaraŭ, zroblenych u Italii: Bianchi, Colnago, Ducati i inšyja. Kali vieryć kiraŭniku krainy pra dvuchkiłahramovuju vahu jahonaha rovara, to jeździć Łukašenka na šašejnym (zvyčajnyja hornyja i hibrydnyja majuć značna bolšuju vahu). Siaredni košt takoha italjanskaha «barachła» prykładna roŭny koštu staroj inšamarki. Naprykład, Colnago CLX 3.0 Shimano 105 abydziecca prykładna ŭ 3500 dołaraŭ, a Colnago CLX 3.0 Shimano Ultegra 10s — u 4000. Vysokimi košty takich rovaraŭ robić materyjał ramy — karbon. Biełaruskija šašejnyja «Aisty» robiać pieravažna z aluminija.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ6
Kamientary