Ministr pa pramysłovaści i ahrapramysłovym kompleksie Jeŭrazijskaj ekanamičnaj kamisii.
Były premjer, «mocny haspadarnik» Sidorski nikoli nie byŭ u śpisach nievyjaznych u Jeŭrasajuz, ale vypuskać premjera na pieramovy Łukašenka nie vielmi imknuŭsia. Cikavy psichałahičny momant: Łukašenka vielmi časta publična kryčaŭ na Sidorskaha, a toj maŭčaŭ, apuściŭšy hałavu. Na Prakapoviča ci Miaśnikoviča publična kiraŭnik krainy hołas nie padymaje.
Padčas Płoščy-2010 demanstranty išli na pieramovy jakraz da Sidorskaha. Praŭda, tak i nieviadoma, ci byli ź im jakija kantakty praz Maskvu ci naŭprost.
Niekatoryja navat mierkavali, što Sidorski moža ŭznačalić apazicyju. Ale Sidorski syšoŭ z pasady biez skandałaŭ, a potym pierabraŭsia na hrašovuju i bieskłapotnuju pasadu ŭ Maskvu.
Zasłuhoŭvaje asobnaj zhadki i Ludmiła Sidorskaja. Jana pracavała ŭ Domie Maskvy ŭ Minsku i ŭ dadatak zajmałasia dabračynnymi prajektami dla dziaciej i vieteranaŭ. Ludmiła achvotna źjaŭlałasia na publicy — redki taki vypadak siarod žonak topčynoŭnikaŭ Biełarusi.
***
Cytata: Jość adna zaŭvaha: naša kraina nazyvajecca nie «Biełoruśsija», a «Biełaruś».
Na pasiadžeńni najvyšejšaha orhana Mytnaha sajuza Biełarusi, Rasii i Kazachstana, śniežań 2009.
Abjektyŭka
Nar. u 1954 u Homieli. Skončyŭ Biełaruski instytut inžynieraŭ čyhunačnaha transpartu. U 1976—1992 pracavaŭ na Homielskim zavodzie radyjotechnałahičnaha abstalavańnia na pasadach ad majstra dy dyrektara. U 1992—1998 — kiraŭnik NPA «Raton», u 1998—2001 — namieśnik staršyni Homielskaha abłvykankama. U 2001—2003 — namieśnik, pieršy namieśnik premjer-ministra. U 2003—2010 — premjer-ministr. Ministr pa pramysłovaści i ahrapramysłovym kompleksie Jeŭrazijskaj ekanamičnaj kamisii (ad 2011). Žanaty. Maje dźviuch dačok.
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary