Pamior pijanist Dejv Brubek — vialiki džazmen mieŭ biełaruskija karani
Siońnia jamu b spoŭniłasia 92 hady.
5 śniežnia va ŭzroście 91 hoda pamior Dejv Brubek, adzin z najvažniejšych džazavych muzykaŭ XX st., kali b jon dažyŭ da siońniašniaha dnia, to adśviatkavaŭ by
Ličycca, što džaz, heta muzyka, jakaja nie dajecca biełym. Dejv Brubek byŭ vyklučeńniem — razam z saksafanistam Połam Dezmandam, jon stvaryŭ z tuzin miełodyj, jakija stali džazavymi standartami i sinonimami słova džaz.Samaja viadomaja ź ich — Take Five, miełodyja ŭ redkim pamiery piać čverciaŭ čaplaje i nie adpuskaje niekalki dzion. Čornyja muzyki pryznali Brubeka i ličyli adnym z najlepšych pijanistaŭ u śviecie, razam z Oskaram Pietersanam i Tełoniŭsam Monkam.
Dejv Brubek byŭ adnym ź pieršych suśvietnaviadomych džazistaŭ, jaki pryjechaŭ z kancertami ŭ Saviecki Sajuz. Paśla ŭ intervju Uładzimiru Pozneru, jon skaža, što jahonaja babula naradziłasia ŭ Biełarusi. Brubek byŭ katalikom, pryčym vieru sabie abraŭ sam paśla taho, jak sačyniŭ miesu To Hope.
Dyskahrafija Brubeka — heta bolej za sto albomaŭ z roznymi składami: solnych, z kvartetam, asobnyja zborki duetaŭ. Zapisy Brubeka vychodzili ŭ Savieckim Sajuzie, zdaralisia i kurjozy — na adnoj sa składanak Dave Brubeck Quartet byŭ prapisany jak «Kvartet Brubekaŭ».
Z usich zorak muzyki Brubek pražyŭ chiba što samaje spakojnaje žyćcio — za bolej, čym 60 hod muzyčnaj karjery jon nie trapiŭ ni ŭ adzin hučny skandał, usio žyćcio pražyŭ ź lubimaj žonkaj, jahonyja dzieci taksama pajšli ŭ muzyki — vijałančel Meta Brubeka možna pačuć na albomach Toma Uejtsa.
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary