Dziesiacipracentavy rost nierealny
Minekanomiki sprajektavała prahnoz raźvićcia haspadarki na 2006 h. Rost VUP prahnazujecca na 7—8%, inflacyja — nia bolš za 7—9%. Sioleta VUP vyraście na 8,5% u paraŭnańni z 2004 h. Jak vidać, Minekanomiki pradbačyć źnižeńnie rostu vytvorčaści, što źviazana z zapavoleńniem raźvićcia pramysłovaści.
Tablica 1. Uzrovień demakratyi ŭ ličbach*
Kraina
VP
HS
NŚMI
DzK
KZPŁ
K
Biełaruś
6,75
6,75
6,75
6,50
6,75
5,75
Polšča
1,50
1,25
1,75
2,00
1,50
2,50
Turkmenistan
7,00
7,00
7,00
7,00
7,00
6,25
Uzbekistan
6,75
6,50
6,75
6,25
6,50
6,00
Estonija
1,50
2,00
1,50
2,25
1,75
2,50
Haz pa-staromu
Biełaruś i Rasieja planujuć sioleta padpisać doŭhaterminovy balans paliŭna-enerhietyčnych resursaŭ, raźličany da 2020 h. U kantrakcie na 2006 h. cana hazu zastaniecca na ciapierašnim uzroŭni: $46,68 za 1 tys. m3.
«BiełSeł» reanimujuć
Aperatara sotavaj suviazi «BiełSeł» budzie ratavać suzasnavalnik — kampanija «Somstrut International». Jana raspracavała biznes-plan, jaki maje na mecie znoŭ zrabić «BiełSeł» rentabelnym i ŭžo da kanca 2006 h. atrymać prybytak, roŭny $530 tys. Pakul kredytorskaja zapazyčanaść «BiełSełu» składaje $43 młn, a debitorskaja — $7 młn. Debitorskaja zapazyčanaść utvaryłasia praz toje, što kampanija za svaje hrošy nabyvała telefony i pradavała ich klijentam u rasterminoŭku.
Karalaviec pieraciahvaje koŭdru
Kalininhradzkaja vobłaść prapanavała Biełarusi vykarystoŭvać jaje marski partovy kompleks. Biełaruś tradycyjna karystajecca litoŭskimi partami, pieravoziačy moram 2 młn tonaŭ hruzaŭ, najpierš kalijnych uhnajeńniaŭ.
«Biełahrapram» pa-italjansku
«Biełahraprambank» zajmieŭ mahčymaść atrymlivać doŭhaterminovyja kredytnyja linii ź Italii. Italjanskaje ahienctva pa strachavańni ekspartnych kredytaŭ SACE paćvierdziła «nadziejnaść» banku. Kredytami možna budzie finansavać impart ź Italii, nie pryciahvajučy harantyj viartańnia kredytaŭ z boku ŭradu. Tak rabiŭ raniej tolki «Biełźnieš-ekanambank».
Vyhadnaja demakratyja
Paśla pieramohi demakratyi va Ŭkrainie handal miž našymi krainami imkliva raście: tavarazvarot za studzień—travień 2005 h. skłaŭ $584,1 młn — što na 58% bolš, čym letaś. Biełaruski ekspart va Ŭkrainu vyras na 56%, impart — na 59%.
Mara padmanutych układčykaŭ
Dla kampensacyi nasielnictvu ŭkładaŭ, što lasnuli za časami SSSR, spatrebicca Br4,5 młrd — ci 8% ad VUP, zaprahnazavanaha na 2005 h. Kampensavać buduć u niekalki etapaŭ ciaham 20 hod. Minfin suprać kampensacyi za košt vypusku dziaržpapier — heta moža pryvieści da rezkaha pavieličeńnia ŭnutranaj zapazyčanaści i defołtu.
Rasiejskija prablemy
Bolš za 75% radoviščaŭ nafty j hazu na sušy Rasiei zadziejničany ŭ karystańnie, a ich vyčarpanaść nabliziłasia da 50%, zajaviŭ kiraŭnik Minpryrody Rasiei Jury Trutnieŭ. Zapasy adnaho kantynentalnaha radovišča ŭ paraŭnańni z 1975 h. źnizilisia ŭ piać razoŭ. Deficyt jakasnych radoviščaŭ da 2015 h. moža pryvieści da vyčarpanaści rentabelnych zapasaŭ. Najbolš perspektyŭnym kirunkam dla papaŭnieńnia zapasaŭ źjaŭlajecca arktyčny šelf. Ciapier jaho resursy aceńvajucca ŭ 136 młrd ton umoŭnaha paliva (25% suśvietnych resursaŭ syraviny).
AK; AFN, Interfaks
Kamientary