Мінгарвыканкам шукае новага інвестара для забудовы тэрыторыі 2-й клінічнай бальніцы.
Участак у межах вуліц Янкі Купалы, Максіма Багдановіча і ракі Свіслач так і не дачакаўся аманскіх інвестыцый. Другая ГКБ пераехала ў новы будынак па вуліцы Энгельса яшчэ ў пачатку гэтага года, а старыя корпуса зачынілі. З тых часоў тут нічога не адбывалася. Аманскія бізнэсмэны, якія мелі намер збудаваць пяцізоркавы гатэль, элітныя жылыя дамы і гандлёвыя аб’екты, так і не з’явіліся. Тым часам стала вядома, што Мінгарвыканкам пачаў пошукі новага інвестара.
Прапанова па забудове тэрыторыі, дзе цяпер знаходзяцца старыя бальнічныя карпусы і «Белэкспа», з’явілася днямі у інвестыцыйным атласе на сайце Мінгарвыканкама.«Канцэпцыя прадугледжвае будаўніцтва шматфункцыянальнага комплексу вышэйшага класа плошчай 64300 кв. м, — сказана ў апісанні праекта. — У прапанаванай схеме спалучаюцца розныя катэгорыі нерухомасці — офісная, жылая і гасцінічная — ствараючы пешаходную шматфункцыянальную зону з канцэпцыяй і пазіцыянаваннем у якасці комплексу найвышэйшай якасці».
Праект будзе прадстаўлены на інвестыцыйным форуме, які пройдзе ў Мінску ў лістападзе.
Як пісалі СМІ, некалькі гадоў таму ўчастак у межах вуліц Янкі Купалы, Максіма Багдановіча і ракі Свіслач быў прададзены аманскім інвестарам без правядзення аўкцыёну за 10 млн даляраў.У лютым гэтага года намеснік старшыні Мінгарвыканкама Сяргей Радаман заявіў на
— Інвестар папрасіў паўгода для таго, каб яму ўдакладніць свае пазіцыі з партнёрамі, якія займаюцца фінансаваннем праекта.Было заяўлена, што калі на працягу паўгоддзя новае рашэнне не будзе прынята, праект будзе рэалізоўвацца па раней прапанаванай канцэпцыі: будаўніцтва гасцінічнага і гандлёвага комплексаў і жыллёвае будаўніцтва, — сказаў тады Сяргей Радаман.
Каментары