Інфляцыя ў Беларусі ў сакавіку 2012 года склала 1,5%, паведамілі ў Нацыянальным статыстычным камітэце.
Такім чынам, індэкс спажывецкіх цэн на тавары і паслугі ў сакавіку 2012 года ў параўнанні з лютым 2012 года склаў 101,5%, са снежнем 2011 года — 105%.
Індэкс цэн вытворцаў прамысловай прадукцыі ў сакавіку ў параўнанні з лютым склаў 101,6%, у тым ліку на інвестыцыйныя тавары — 102,3%, прамежкавыя тавары — 101,4%, спажывецкія тавары — 101,6%.
Індэкс цэн на харчовыя тавары ў сакавіку 2012 года ў параўнанні з лютым 2012 года склаў 101,1%, са снежнем 2011 года — 105%. Індэкс цэн на нехарчовыя тавары ў сакавіку ў параўнанні з лютым склаў 101,6%, са снежнем 2011 года — 104,1%.
Індэкс цэн і тарыфаў на платныя паслугі ў сакавіку ў параўнанні з лютым склаў 102,3%, са снежнем 2011 года — 107,2%.
У 2012 годзе ў Беларусі інфляцыя запланавана на ўзроўні не больш за 19–22%.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты51
Каментары