Сальда куплі/продажу насельніцтвам замежнай валюты ў касах і абменных пунктах банкаў за 2006 год склалася ў аб’ёме $914,98 млн. супраць $552,33 млн. за 2005 год. Аб гэтым паведамілі БЕЛТА ва ўпраўленні інфармацыі Нацыянальнага банка. Паводле даных Нацбанка, за мінулы год насельніцтвам Беларусі прададзена $3297,04 млн. наяўнай замежнай валюты, што на 25,9 працэнта больш у параўнанні з 2005 годам.
Набыта валюты на суму $4212,02 млн., або на 32,8 працэнта больш, чым у 2005 годзе. На думку спецыялістаў, павышэнне чыстага попыту насельніцтва на замежную валюту абумоўлена апераджальным ростам даходаў насельніцтва ў параўнанні з павелічэннем аб’ёму вытворчасці спажывецкіх тавараў. Акрамя таго, на сітуацыю на наяўным валютным рынку ўплывае павелічэнне апошнім часам аб’ёмаў крэдытавання насельніцтва ў замежнай валюце.
Каментары