«У якім свеце паўстала Беларусь у вачах «Барселоны»? — кажа форвард БАТЭ.
Траўмаваны форвард БАТЭ Віталь Радзівонаў падзяліўся ўражаннямі ад пройгрышу сваіх партнёраў «Барселоне» ў другім туры групавога этапу Лігі чэмпіёнаў (0:5).
«Мы занадта пачціва паставіліся да суперніка. Пры тым, што нам супрацьстаяў, як многія кажуць, наймацнейшы клуб свету, барысаўчане, упэўнены, маглі выступіць лепш. Маё глыбокае перакананне: БАТЭ цалкам не рэалізаваў немалы патэнцыял. Асабліва гэта адносіцца да першага тайма.
Гаворачы пра залішнюю павагу да «Барселоны», маю на ўвазе не толькі футбалістаў. Непрыемна ўразіў антураж у аэрапорце, што спадарожнічаў прылёту іспанцаў. Гэта шчыльнае ачапленне амапаўцаў… З аднаго боку — захаванне мер бяспекі.
А з іншага — у якім свеце паўстала наша краіна ў вачах каталонскай дэлегацыі?
На мой погляд, гэта была не тая сітуацыя, калі варта звяртацца да такіх мер.
Блакаваць дзяцей, падлеткаў, якія 2 гадзіны чакалі з’яўлення куміраў…
Тыя ж беларускія мытнікі з ветлымі выразамі твараў з задавальненнем бяруць аўтографы ў заезджых зорак.
Мытнікі, якіх я, як правіла, прывык бачыць панурымі і грубаватымі.
Якія становяцца ўсмешлівымі і ветлівымі ў рэдкіх выпадках. Калі гэта, напрыклад, датычыцца асабістага знаёмства.
Словы форварда БАТЭ прыводзіць Goals.by са спасылкай на Прессбол.
Цяпер чытаюць
У віцэ-спікеркі Каардынацыйнай рады Лізаветы Пракопчык сабралася $12 тысяч даўгоў45
Каментары