Мітрапаліт Філарэт выказаў спачуванні ў сувязі са смерцю кардынала Казіміра Свёнтака
Мітрапаліт Мінскі і Слуцкі Філарэт, Патрыяршы Экзарх усяе Беларусі накіраваў МітрапалітуМінска-Магілёўскаму , Апостальскаму адміністратару Пінскай епархіі архіепіскапу Тадэвушу Кандрусевічу пісьмо са спачуваннямі ў сувязі са смерцю кардынала Казіміра Свёнтака.
«З болем у сэрцы мы ўспрынялі сумную вестку аб блажэннай смерці кардынала Казіміра Свёнтака — спавядальніка і стараннага пастыра, які з’яўляўся прыкладам мужнага стаяння за веру і выканання боскага закліку быць верным Хрысту нават да смерці», — адзначае мітрапаліт Філарэт.
Іерарх падкрэсліў, што ні дзесяцігоддзе лагераў, куды Свёнтак трапіў у часы ганенняў, ні іншыя няшчасці і беды не змаглі зламаць яго волю і жаданне «несці вестку свету аб Выратаванні і сведчыць сучаснікам аб Божай Міласэрнасці». Першаіерарх БПЦ адзначыў, успамінаючы нябожчыка:
«Гаварыў ён ад усяго сэрца, ад асабіста ім перажытага і выпакутаванага».
Кардынал Свёнтак, на думку мітрапаліта Філарэта, унёс вялікі ўклад у развіццё добрасуседскіх адносін паміж Беларускай праваслаўнай царквой і
«Ад імя ўсіх праваслаўных хрысціян Беларусі выказваем свае спачуванні беларускім католікам. Молім Усяміласцівага Госпада нашага Ісуса Хрыста аб спачыне душы кардынала Казіміра Свёнтака і аб суцяшэнні яго духоўных дзяцей», — таксама заявіў у пісьме Патрыяршы Экзарх.
Цяпер чытаюць
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік3
Каментары