І калі ўжо ён здзекуецца з таго, чаму служыў, то і сапраўды падгніла нешта ў дацкім каралеўстве. Піша Юрый Дракахруст.
Так, той самы, які гадамі быў галоўным рупарам рэжыму, адзін зь ягоных слупоў, старшыня Белтэлерадыёкампаніі, сэнатар і іншае, і іншае.
Яшчэ пасьля сьнежаньскіх выбараў ў тэлеперадачы на расейскім тэлеканале ён бравіраваў сваім цынізмам, брудна і зьняважліва выказваючыся пра ўдзельнікаў маніфэстацыі 19 сьнежня. Тады вядучы перадачы Павал Селін спытаў яго, ці не давядзецца і спадару Зімоўскаму праз кароткі час, як і многім іншым апальным чыноўнікам, атабарыцца ў Расеі.
Як у ваду глядзеў. Не прайшло і паўгода — Зімоўскага з пасады зьнялі, прычым зьнялі, гледзячы па ўсім, зьняважліва, ён жыве і працуе ў Піцеры (як Скарына:)), ну і завёў сабе сайт, дзе, як той казаў, адцягваецца па поўнай. Стылістыка пазнавальная, якой
Брыдка? Ну так. Але таленавіта, а галоўнае, эфэктыўна.У «Беларускіх навінах», рэсурсе зусім не афіцыёзным, блогі Зімоўскага былі самымі папулярнымі.
Я тут нават не пра крутыя павароты лёсу былога галоўнага тэлекілера краіны, а пра тыпаж. Дарэчы, і ў цяперашніх сьцёбных пастах Зімоўскага, напрыклад, у зьедлівым камэнтары, як варта было б інфармацыйна ўпакоўваць крызіс, праглядаецца, што ён не зьмяніўся і зусім не пачаў барацьбу з рэжымам, часткай якога быў, не на жыцьцё, а на сьмерць. Не, і тое было гульня, і зараз гульня. Прапануюць
Так, разбуральніка, можа нават насуперак сваёй волі. Бо шмат для каго, ў тым ліку і з намэнклятуры, менавіта Зімоўскі, як і было сказана, гадамі быў тварам ідэалёгіі і прапаганды.
І калі ўжо ён зьдзекуецца з таго, чаму служыў, то, відаць, і сапраўды падгніла нешта ў дацкім каралеўстве.
А які ён без набору масак, які насамрэч? Мяркую, што наш герой шчыра б парагатаў над такім пытаньнем. Ды ніякі. І ўсялякі, любы. Славалюбства, цынізм, талент — гэта сваё, ўласнае, а ўсё астатняе — толькі маскі. Як старажытнагрэцкі бог Пратэй, які мог прымаць любыя формы.
Эвалюцыя Аляксандра Зімоўскага — магчымы сцэнар пераменаў у Беларусі.
Зьменіцца расклад, прамахнецца Акела, і тысячы айчынных пратэяў імгненна памяняюць маскі на іншыя.І на крыўду таго Акелы, на горкія словы пра здраду адкажуць ці хвосткім сьцёбам у стылі Зімоўскага, ці шчырым зьдзіўленьнем — а ў чым справа, ў чым праблема, раней такі быў час, а зараз іншы, жыцьцё. Tempora mutantur et nos mutamur in illis(мяняюцца часы і мы мяняемся разам зь імі), як казалі старажытныя рымляне.
І ня згубяцца гэтыя пратэі і ў новым жыцьці. Калі не стануць, дакладней, не застануцца яго гаспадарамі.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС8
Каментары