Кіраўніком ініцыятыўнай групы Мікалая Статкевіча будзе… Мікалай Статкевіч
Дакументы на рэгістрацыю кандыдат панясе ў пятніцу.
Кіраўнік Беларускай сацыял‑дэмакратычнай партыі «Народная грамада» Мікалай Статкевіч мае падаць дакументы на рэгістрацыю ініцыятыўнай групы 24 верасня.
Статкевіч кажа, што ніколі не меў намер адмаўляцца ад удзелу ў прэзідэнцкіх выбарах. «Рашэнні аб маім удзеле прымаў Кангрэс дэмакратычных сілаў, а таксама партыйны з’езд», — зазначае М.Статкевіч.
Найхутчэй, што кіраўніком ініцыятыўнай групы Мікалая Статкевіча будзе… Мікалай Статкевіч. Гэтае рашэнне ён патлумачыў тым, каб не падстаўляць людзей.
Па словах кандыдата, толькі апошнім часам былі звольненыя з працы тры сябры партыі. Таксама пазбавіўся працы ў Лідзе былы палітвязень Сяргей Скрабец.
На пытанне аб колькасным складзе каманды, Статкевіч адзначыў, што дакладная колькасць будзе вядомая падчас занясення папер у ЦВК. «Але яна дастатковая, каб сабраць 100 тысяч подпісаў», — зазначыў сацыял‑дэмакрат.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек6
Каментары