«У маёй кар’еры такое — упершыню». З футбольнага клуба «Мінск» нечакана ўцёк малады футбаліст
Галоўны трэнер футбольнага клуба «Мінск» Арцём Чалядзінскі пасля паражэння ў матчы чэмпіянату Беларусі з мінскім «Дынама» з лікам 0:3 пракаментаваў адсутнасць у заяўцы на матч 18‑гадовага паўабаронцы Захара Драчова, піша bel.football.
Паводле слоў трэнера, футбаліст павінен быў выйсці ў стартавым складзе, аднак напярэдадні гульні без папярэджання пакінуў клуб.
«У маёй кар’еры такое — упершыню. Я наогул падобнага не бачыў — футбаліст проста самавольна пакінуў клуб, паляцеў кудысьці. Учора ён павінен быў прысутнічаць на перадматчавай размінцы. Мы прыходзім на сход — футбаліста няма. Пытаемся ў яго сяброў — сказалі, што паляцеў», — абурана расказаў Чалядзінскі.
На пытанне, куды менавіта адправіўся футбаліст, трэнер адказаў, што не валодае такой інфармацыяй.
На яго думку, на рашэнне маладога футбаліста маглі паўплываць агенты. Трэнер лічыць, што маладыя гульцы нярэдка прыслухоўваюцца да іх парад больш, чым да ўласнага меркавання або пазіцыі клуба.
Пры гэтым ён падкрэсліў, што клуб не перашкаджае футбалістам пераходзіць у іншыя каманды, але лічыць, што такія пытанні павінны вырашацца адкрыта і з павагай да ўсіх бакоў.
Вячаслаў Глеб: Можа, з Кюрасаа б і пазмагаліся толькі
Талай больш не працуе ў трэнерскім штабе БАТЭ
Загінуў 34‑гадовы Антон Арцямёнак, складальнік слоўніка беларускіх футбольных тэрмінаў
ФК «Стэнлес» з Пінска перажывае цяжкія часы: следам за кіраўніком клуба памёр менеджар каманды
Выхаванец «Аякса» перайшоў у «МЛ Віцебск»
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары
Трэнер які завез Мілеўскага ў Д. Кіеў быў пазбаўлены працы ў Беларусі. Яго зрабілі вінаватым ва ўсім.
Мілеўскі замацаваўся ў аснове Д. Кіеў і вырашыў гуляць за зборную Украіны.
Пра тое што ў Д. Мінск гульцы самі мылі сваю форму, А ў Д. Кіеў асобная пральня і кожны ранак твая форма як новая чыстая ды выглажана так сама чуў. Магчыма пра гэта пісалі недзе. І тады гэта вельмі кранула шмат каго. Адразу адчуўся розны ўзровень ліг паміж Кіевам і Менскам не на карысць апошняга.
Было б зараз цікава паслухаць пра гэта ад Мілеўскага ці Хацкевіча.
Белькіча нажаль ў жывых ўжо няма, светлая яму памяць.