Вайна1010

У 2025 у Расіі апублікавалі на 40% больш некралогаў па вайскоўцах, чым у 2024

«Рускай службе Бі-бі-сі» і «Медыязоне», разам з камандай валанцёраў, да чацвёртай гадавіны поўнамаштабнага расійскага ўварвання ва Украіну ўдалося ўстанавіць імёны 200 186 расійскіх вайскоўцаў, загінулых на вайне. Агульная колькасць страт расійскіх войскаў дасягнула 308—445 тысяч забітымі.

Пасёлак Кляшчэеўка на Данбасе пасля баёў, від зверху. Фота AP Photo Alex Babenko

Як адзначае «Бі-бі-сі», за апошні месяц колькасць запісаў у базе, якую вядуць журналісты, павялічылася на 35 тысяч чалавек, але гэта не звязана з сітуацыяй на фронце.

«За мінулы месяц нам удалося супаставіць запісы, сабраныя за некалькі гадоў, з адкрытымі данымі дзяржаўных баз — у першую чаргу, са спісамі рэестра спадчынных спраў», — тлумачыць выданне.

Журналісты адзначаюць, што з высокай доляй упэўненасці можна сказаць, што 2025 год стаў самым кровапралітным для расійскай арміі.

«Бі-бі-сі» і «Медыязона» пацвердзілі імёны 49 935 расійскіх вайскоўцаў, загінулых у мінулым годзе. У 2024 годзе загінулі прынамсі 83 706 расійскіх салдат і афіцэраў, але «масіў яшчэ неапрацаваных некралогаў, у якіх у якасці даты гібелі або даты пахавання згадваецца 2025 год, налічвае яшчэ дзясяткі тысяч запісаў».

Паводле папярэдняй ацэнкі, колькасць загінулых у мінулым годзе можа перавысіць 90 тысяч чалавек.

Як піша «Медыязона», 122,7 тысячы загінулых расійскіх вайскоўцаў адносіліся да гарадскога насельніцтва, 57,2 тысячы — да сельскага.

Буйныя гарады і гарады-мільённікі «вайной амаль не закранутыя»: дзве траціны загінулых жылі ў населеных пунктах менш за 100 тысяч чалавек.

Па абсалютнай колькасці загінулых наверсе спісу ідуць Башкартастан (7,7 тысячы), Татарстан (6,8 тысячы) і Свярдлоўская вобласць (6,3 тысячы).

Сярод буйных рэгіёнаў першае месца па стратам на душу насельніцтва займае Тыва (476 чалавек на 100 тысяч насельніцтва), затым ідуць Буратыя (400 загінулых на 100 тысяч насельніцтва), Забайкальскі край (362 на 100 тысяч), Рэспубліка Алтай (316 на 100 тысяч).

Расследавальнікі «Рускай службы Бі-бі-сі» і «Медыязоны» адзначаюць, што яны здольныя выяўляць менш за дзве трэція агульнай колькасці смерцяў.

«Рэальныя страты расійскага боку вышэйшыя за тыя, што нам удаецца выявіць па адкрытых крыніцах, — прызнаюць даследчыкі. — Паводле ацэнак ваенных аналітыкаў, наш падлік па могілках, мемарыялах і некралогах пакрывае ад 45% да 65% ад фактычнай колькасці загінулых.

Гэта тлумачыцца тым, што значная частка цел вайскоўцаў, якія загінулі за апошнія месяцы, можа па-ранейшаму заставацца на полі бою: іх эвакуацыя звязана з рызыкай для жывых, перш за ўсё праз удары беспілотнікаў.

З улікам прыведзенай вышэй ацэнкі, рэальная колькасць загінулых з расійскага боку можа быць у дыяпазоне ад 308 000 да 445 000 чалавек», — пішуць аўтары.

Гэта супадае з ацэнкамі заходніх разведак, якія гавораць пра прыкладна 350 тысяч забітых і мільён параненых расійскіх вайскоўцаў.

«У 2025 годзе было апублікавана на 40% больш некралогаў, чым год таму», — адзначаюць даследчыкі і робяць выснову, што мінулы год быў самым кровапралітным для расійскай арміі.

Каментары10

  • Года!
    24.02.2026
    А говорили, что у РФ показатели падают! А цифры-то растут!)
  • Гойда
    24.02.2026
    Хотел дойти проклятый оккупант-рашист до Киева, а дошел до кладбища. Лучшая реклама рососийской армии))). Гойда!
  • Ян
    24.02.2026
    Не трэба шастаць па чужой зямлі

Цяпер чытаюць

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай24

«Дзякуй жанчынам, якія дачакаліся». Tor Band паказалі сваю першую рэпетыцыю3

55‑гадовага прадпрымальніка асудзілі за палітыку: ён штодня спрачаўся з ватнікамі ў Z‑чатах10

У тэатры імя Горкага працягваецца капітальны рамонт. Як зменіцца будынак ФОТА1

Іншую скульптуру аўтара скандальнай «Быхаўскай мадонны» чыноўнікі афіцыйна набылі за $15 тысяч толькі праз месяц пасля адкрыцця9

Масад папярэдзіў ЗША аб планах Ірана забіць Трампа дронамі5

SpaceX упершыню ў гісторыі злавіла верхні блок Starship ВІДЭА5

Ці хапае трох дзён бальнічнага, каб не заразіць калег?1

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць