Аўто

BMW адклікае больш за паўмільёна машын па ўсім свеце. Яны могуць загарэцца

Славуты нямецкі аўтавытворца BMW абвясціў маштабную сэрвісную кампанію: каля 575 000 аўтамабіляў па ўсім свеце падлягаюць праверцы і рамонту з-за дэфекту ў сістэме запуску рухавіка. У кампаніі папярэджваюць, што ў пэўных умовах машына можа загарэцца, паведамляе Handesblatt.

Фота: BMW

Праблема звязаная з магнітным пераключальнікам (саленоідам) стартара. У дэталях, выпушчаных з ліпеня 2020 па ліпень 2022 года, пры частых запусках рухавіка адбываецца паскораны знос. Металічныя часцінкі, якія пры гэтым утвараюцца, могуць выклікаць кароткае замыканне і перагрэвы, а ў найгоршым выпадку — узгаранне аўтамабіля падчас эксплуатацыі.

Да правядзення рамонту BMW рэкамендуе ўладальнікам не пакідаць аўтамабіль з заведзеным рухавіком без нагляду, асабліва пры выкарыстанні функцыі дыстанцыйнага запуску.

Адкліканне закранае шырокі шэраг мадэляў:

  • Седаны і купэ: 2 серыя (G42), 3 серыя (G20, G21, G28), 4 серыя (G22, G23, G26), 5 серыя (G30, G31), 6 GT (G32), 7 серыя (G11, G12).
  • Красоверы: X3 (G01), X4 (G02), X5 (G05), X6 (G06).
  • Родстары: BMW Z4 (G29) і тэхнічна роднасная ёй Toyota Supra.

Галіновае выданне kfz-Betrieb сцвярджае, што гаворка ідзе пра 575 тысяч машын, але сам аўтавытворца гэтую інфармацыю пакуль не пацвердзіў.

У межах сэрвіснай кампаніі на ўсіх закранутых аўтамабілях будзе цалкам заменены стартар. У асобных выпадках таксама спатрэбіцца замена акумулятара, каб ён адпавядаў характарыстыкам новага вузла.

Каментары

Цяпер чытаюць

Колькі беларусаў загінула на вайне з Украінай? Больш за 1600, але наколькі больш?9

Колькі беларусаў загінула на вайне з Украінай? Больш за 1600, але наколькі больш?

Усе навіны →
Усе навіны

За мірганне далёкім святлом можа пагражаць штраф да 450 рублёў2

Сям'ю забіў, пакуль тыя спалі, цікавіўся «гітлераўцамі і арыйскай расай». Што яшчэ вядома пра справу 24‑гадовага стралка ў Кракаве18

Катастрофа на чыгунцы ў Егіпце — сем загінулых, больш за 100 параненых

Чвэрць без «васьмёрак» — 100 рублёў. Шматдзетная маці расказала, колькі плаціць дзецям за ацэнкі5

Чаму Макей пасля 2020‑га застаўся ў сістэме і ці спрабаваў спыніць рэпрэсіі?13

«Вокны з чорным налётам не адмыць». Пінчукі скардзяцца на адходы «Пінскдрэва»

Кушнер прапанаваў аднавіць дыялог Еўропы з Расіяй па ўзоры Савета Расія—НАТА4

Загінулай замежніцай падчас страляніны ў Кракаве аказалася жанчына з Аўстрыі

Біл Гейтс заклікае павысіць падаткі для мільярдэраў: штучны інтэлект робіць іх усё багацейшымі3

больш чытаных навін
больш лайканых навін

Колькі беларусаў загінула на вайне з Украінай? Больш за 1600, але наколькі больш?9

Колькі беларусаў загінула на вайне з Украінай? Больш за 1600, але наколькі больш?

Галоўнае
Усе навіны →

Заўвага:

 

 

 

 

Закрыць Паведаміць