На моладзевым з'ездзе «Грузінскай мары» ззяў Цотнэ Іванішвілі — яго называюць грузінскім Колем Лукашэнкам
У Тбілісі прайшоў з'езд моладзевага крыла партыі «Грузінская мара». Адной з галоўных падзей з'езду стала з'яўленне 20‑гадовага Цотнэ Іванішвілі — сына шэрага кардынала Грузіі.
На фотаздымках прэм'ер-міністр Грузіі, мэр Тбілісі, і кіраўнік моладзевага крыла «Грузінскай мары» аказваюць яму розныя знакі ўвагі, нягледзячы на тое, што Цотнэ Іванішвілі не займае ніякай пасады ў партыі, піша тэлеграм-канал «Javakhadze! | Джавахадзе!»
Малодшы сын алігарха Іванішвілі суправаджае бацьку і ўдзельнічае практычна ва ўсіх палітычных мерапрыемствах партыі бацькі.
«Відавочна, менавіта малодшага сына Бідзіна Іванішвілі разглядае ў якасці свайго пераемніка», — піша канал.
Цотнэ — малодшы сын грузінскага мільярдэра і заснавальніка партыі «Грузінская мара» Бідзіны Іванішвілі. Як і ягоны старэйшы брат, рэпер Бера Іванішвілі, Цотнэ мае рэдкую генетычную асаблівасць — альбінізм. Гэта зрабіла абодвух братоў медыйнымі асобамі, якіх бацька часта выкарыстоўвае для стварэння вобраза ідэальнай і незвычайнай сям'і.
Апазіцыя крытыкуе «Грузінскую мару» і самога Іванішвілі за рэпрэсіўныя ініцыятывы, якія цалкам супадаюць з расійскай мадэллю рэгулявання грамадскай дзейнасці.
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары
Упэнены, што Коля можа без аніякіх сумневаў выйсці сцпраць іх на конкурсе прыгажосці і пермагачы!