Жанчына набыла ў фірмовай краме «Беліты» падарункавы сертыфікат. У іншай краме яго не прынялі
Жыхарка Пінска расказала ў сацсетках, што купіла падарункавы сертыфікат у фірмовай краме «Беліта» і падарыла яго маці. Аднак у іншай краме гэтага самага брэнду, ужо ў Магілёўскай вобласці, сертыфікат прымаць адмовіліся. Афіцыйнаму акаўнту «Беліты» ў Threads давялося тлумачыць сітуацыю, піша Telegraf.news.
Жанчына абурылася, што пра абмежаванні яе ніхто загадзя не папярэдзіў: сертыфікат быў набыты ў Пінску, а выкарыстаць яго ў Асіповічах не дазволілі, патлумачыўшы, што там прымаюцца толькі сертыфікаты, выдадзеныя ў межах Магілёўскай вобласці.
Прадстаўнік кампаніі растлумачыў, што крамы ў Брэсцкай і Магілёўскай абласцях належаць розным юрыдычным асобам. З-за гэтага сертыфікаты, набытыя ў адных прадстаўнікоў, сапраўды нельга выкарыстоўваць у іншых. У «Беліце» сцвярджаюць, што такая інфармацыя павінна пазначацца на саміх сертыфікатах і на сайце, а таксама паведамляцца падчас продажу.
Аднак гэта тлумачэнне не задаволіла пакупніцу. Яна адзначыла, што пры куплі ёй сказалі, нібыта сертыфікат дзейнічае ў любой фірмовай краме. Што было напісана на самім сертыфікаце, дакладна невядома, бо яго фота не апублікавалі.
Іншыя карыстальнікі таксама выказалі незадаволенасць, назваўшы такую практыку недапушчальнай у 2026 годзе.
На сайце «Беліты» пазней знайшлі інфармацыю, што пералік крамаў, дзе можна выкарыстаць сертыфікат, пазначаны на яго адваротным баку, а сам сертыфікат без пячаткі, подпісу прадаўца і чэка лічыцца несапраўдным.
Гэтая гісторыя паказала, што падарункавыя сертыфікаты «Беліты», набытыя ў адным рэгіёне Беларусі, могуць не прымацца ў іншым, нягледзячы на аднолькавыя шыльды крамаў. Каб не сутыкнуцца з праблемамі, пакупнікам, аказваецца, трэба звяртаць увагу не толькі на брэнд, але і цікавіцца, якая юрыдычная асоба на якой тэрыторыі ім кіруе.
«Выдалі каўбасу, якую мы не ямо». Як на беларускіх прадпрыемствах віншуюць з Днём работнікаў сельскай гаспадаркі
Якія часы, такія і прэзенты: у беларускіх аптэках можна набыць падарункавыя сертыфікаты
Крама адмовілася прыняць падарункавы сертыфікат без чэка. Ці законна гэта?
Крама адзення ў Мінску прадае падарункавы сертыфікат на 5000 рублёў
Цяпер чытаюць
Рыта Дакота набыла дом за некалькі мільёнаў даляраў каля Галівуда1
Рыта Дакота набыла дом за некалькі мільёнаў даляраў каля Галівуда
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1515
Каментары
Сертификаты всем до ср*ки..
Деньги принимаются в любом магазине без ограничений...