У Белавежскай пушчы заўважылі цікавы і незвычайны зімовы грыб — «Дрыжалку», паведамляе прэс-служба нацпарку.
Фота: Нацпарк «Белавежская пушча»
Ён таксама вядомы пад назвамі «Залатое жэле», «Жоўты мозг», «Ведзьміна масла».
Гэты грыб расце ў змяшаных лясах, а яго залаты колер робіць яго прыкметным нават у зімовым лесе. Дрыжалка — гэта познеасенні грыб, які з-за змяненняў клімату можа сустракацца і зімой.
Начныя замаразкі яму не страшныя, аднак спёку і сонечныя прамяні ён не пераносіць.
Дрыжалка аранжавая адносіцца да ядомых грыбоў. Яе цэняць не за яскравы смак, а за ўнікальную жэлепадобную кансістэнцыю, якая можа нагадваць водарасці або марскія грабеньчыкі. У Беларусі гэты грыб практычна не ўжываецца ў ежу, а ў азіяцкіх краінах, асабліва ў Кітаі і Карэі, ён лічыцца дэлікатэсам.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3737
Каментары