Авіякампаніі пакуль не збіраюцца масава касаваць рэйсы ў Вільню. Але прэцэдэнты ўжо ёсць
У Вільні заяўляюць, што авіякампаніі пакуль не плануюць масава адмаўляцца ад палётаў у Літву, паведамляе LRT. Дырэктар дэпартамента бяспекі «Літоўскіх аэрапортаў» Відас Кшэнас адзначыў, што перавозчыкі разумеюць: праблемы, якія ўзніклі праз кантрабандныя паветраныя шары, не звязаныя з самімі аэрапортамі, таму гаворкі пра спыненне палётаў няма — усе займаюць чакальную і салідарную пазіцыю.
Раней авіякампанія Finnair скасавала адзін вечаровы рэйс з Хельсінкі ў Вільню, а Air Baltic крыху змяніла час двух рэйсаў.
Толькі за апошні выпадак, калі ўвечары 3 снежня паветраная прастора над Вільняй зноў была закрытая, нязручнасці адчулі больш за 3 тысячы пасажыраў. Некаторыя самалёты накіравалі ў Коўна, а некалькі рэйсаў скасавалі ці затрымалі.
Каб мінімізаваць праблемы падчас начных закрыццяў аэрапорта, у Літве разглядаюць магчымасць пераносіць частку начных рэйсаў з Вільні ў Коўна, у тым ліку і ў звычайны час.
Відас Кшэнас падкрэсліў, што Ковенскі аэрапорт мае дастатковую інфраструктуру для абслугоўвання павялічанага пасажырскага патоку, хоць могуць спатрэбіцца дадатковыя рэсурсы для наземных службаў.
За кастрычнік і лістапад паветраная прастора над Вільняй абмяжоўвалася 14 разоў, адзін раз — над Коўнам. У выніку пацярпелі каля 320 рэйсаў і больш за 45 тысяч пасажыраў — каля 5% ад агульнай колькасці, абслужанай за гэты час.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары
"касуюць" дамовы, правілы, пагадненні,....
[Зрэдагавана]
>На радаре шар не виден
-Сапраўды? А як іх дэтэктуюць ноччу ў такое жудаснае надвор'е, як цяпер? Выглядваюць у аблоках сваімі вачыма? На радарэ бачна ўсё, што мае дастатковы памер, каб адлюстроўваць радыёхвалі.
>приезжают за грузом контрабандисты по свидетельствам местных жителей
-Яны мабыць і прыязджалі калісьці, але калі цяпер такая ўвага і такія праблемы ад гэтых зондаў - сумняюся.
Ні адныя цыгарэты не перакрыюць той турэмны тэрмін і штраф, які дадуць за перашкоду працы галоўнага нацыянальнага аэрапорта і страты авіякампаній.
КДБ запускае ў адзін канец, вось і ўсё.