Плюшавая гусь, красоўкі і «каб тата быў побач»: пра што мараць дзеці беларускіх палітвязняў перад Калядамі
Сёлета, збіраючы заяўкі на Калядны сбор для дзяцей палітвязняў і вызваленых, арганізатары папрасілі бацькоў напісаць, пра што марыць іх дзеці. На сёння ёсць 136 заявак (чакаем каля 200), а жаданні пазначаныя ў 78 з іх.
Найчасцей сустракаюцца — новыя смартфоны, планшэты і падобная электроніка. На другім месцы — канструктары Lego і іншыя цацкі: ад машынак на пульце да плюшавага гуся і вялікага дыназаўра.
Прыклады са спіса:
- «Старэйшы вельмі хоча тэлефон. Малодшы — вялікага дыназаўра»,
- «Вялікую машыну на пульце кіравання або робата»,
- «Плюшавую гусь»,
- «Мабільны тэлефон (свой стары і разбіты)».
Ёсць і такія жаданні, дзе патрэбны сапраўдны цуд: «Дзеці мараць, каб тата быў побач».
Фонд BYSOL збірае па 100 еўра на дзіця, каб хаця б частка гэтых мараў здзейснілася. На 200 дзяцей трэба 20 000 еўра, пакуль сабрана амаль 4800.
Далучыцца можна тут
Пра што маўчыць Аляксей Францкевіч, якому Польшча закрыла ўезд на 10 гадоў55
Каментары