Навукоўцы папярэджваюць: калі выкіды парніковых газаў не будуць зніжацца, да 2100 года свет можа страціць да паловы пясчаных пляжаў. Да такіх высноў прыйшла група даследчыкаў з Аб’яднанага даследчага цэнтра Еўрасаюза, чыя работа апублікаваная ў часопісе Nature Climate Change.
Спецыялісты пад кіраўніцтвам акіянографа Міхаліса Вусдукаса прааналізавалі спадарожнікавыя здымкі ўзбярэжжаў за апошнія тры дзесяцігоддзі і звялі іх з мадэлямі росту ўзроўню мора.
Высветлілася, што асноўныя пагрозы — гэта глабальнае пацяпленне, якое выклікае пад’ём вады і больш моцныя штормы, а таксама чалавечая дзейнасць: шчыльная забудова і будаўніцтва плацін перашкаджаюць натуральнаму аднаўленню пяску.
Нават пры аптымістычным сцэнарыі, калі выкіды стабілізуюцца каля 2040 года, знікненне пагражае прыкладна 37% пясчаных пляжаў.
Асабліва вялікія страты чакаюцца ў краін з доўгімі ўзбярэжжамі. Аўстралія можа страціць амаль 15 тысяч кіламетраў пляжаў. У зоне высокай рызыкі таксама Канада, Чылі, Мексіка, Кітай і ЗША.
У адносным выражэнні найгоршая сітуацыя ў малых краінах — напрыклад, Гамбія і Гвінея-Бісау могуць страціць больш за 60% сваіх пляжаў, што сур’ёзна ўдарыць па іх эканоміцы і турызме.
Даследчыкі нагадваюць, што пляжы — гэта не толькі зона адпачынку, але і натуральная абарона ўзбярэжжаў ад штормаў і паводак. Іх знікненне зробіць прыбярэжныя рэгіёны значна больш уразлівымі.
Аднак працэс яшчэ можна запаволіць. Зніжэнне выкідаў і выкананне кліматычных дамоўленасцяў дазваляюць прадухіліць да 40% страты пляжаў. Як паказвае прыклад Нідэрландаў, пры правільным кіраванні ўзбярэжжам эрозію можна стрымліваць нават пры росце ўзроўню мора.
У Малайзіі ўзвялі «экагорад будучыні» за $100 мільярдаў. Але замест 700 тысяч жыхароў там жыве толькі 10 тысяч
Каманда маленькага карыбскага вострава Кюрасаа ўпершыню ў гісторыі згуляе на чэмпіянаце свету па футболе. Што за востраў і як такое атрымалася?
На Мальдывах забаранілі курыць усім, хто нарадзіўся пазней за 2006 год
«Беларускія Мальдывы» стануць помнікам прыроды. Чым унікальныя затопленыя Ваўкавыскія кар’еры
Памілаваны і дэпартаваны ўкраінец Катовіч расказаў, за якую абразу на яго пакрыўдзіўся Лукашэнка1
Каментары
Трэба будаваць турыстычныя кластары на Паазер'і