Жыхары Беларусі змогуць пазбегнуць абавязковай блакіроўкі інтэрнету пры ўездзе ў Расію. Аб гэтым заявіў першы намеснік міністра сувязі і інфарматызацыі Павел Ткач на канферэнцыі A1 Tech Day, піша «Точка».
Паміж Беларуссю і Расіяй толькі ў сакавіку з'явіліся камфортныя тарыфы. Аднак ужо ў кастрычніку быў уведзены сутачны бан для барацьбы з дронамі. Распаўсюджваецца ён не толькі на замежнікаў, але і на расійскіх абанентаў, якія вяртаюцца з-за мяжы.
Ткач заявіў, што ў Расіі тэстуецца новы інструмент — выкарыстанне капчы. Яна дазваляе пацвердзіць, ці з'яўляецца абанент жывым чалавекам.
Мінсувязі ўжо вядзе перагаворы з калегамі, каб па меры гатоўнасці да новай сістэмы падключалі і беларусаў.
Калі гэта адбудзецца, то пры ўездзе ў Расію нашаму грамадзяніну дастаткова будзе атрымаць СМС са спасылкай, па якой трэба перайсці.
«Там будзе, імаверна, выява з лічбамі, якую вы павінны ўвесці ад рукі», — растлумачыў Ткач.
Цяпер чытаюць
Польскі блогер наведаў Беларусь — некаторыя яго высновы вас здзівяць19
Каментары
Каб уключыць інтэрнэт, трэба прайсці па спасылцы ў інтэрнэце. Лагічна.
Насамрэч гэта верагодна пра тое, што недзе трэба знайсці wi-fi. Або папрасіць сустрэчнага расіяніна часова раздаць wi-fi, калі такое дазваляе тарыф.
Супраць дронаў гэта не вельмі дапаможа. Калі смс працуюць, дрон можа перакінуць спасылку праз смс аператару дрона, той вырашіць капчу, і інтэрнэт з'явіцца.