Дэлегацыя вайскоўцаў ЗША прыехала ў Кіеў абмяркоўваць план спынення вайны ва Украіне
Гэты план падтрымлівае Трамп, пішуць амерыканскія СМІ.
У чацвер прэзідэнт Украіны вяртаецца ў Кіеў з рабочай паездкі ў Турцыю, дзе ён абмяркоўваў «актывізацыю перамоў». Ва ўкраінскай сталіцы яго чакае дэлегацыя амерыканскіх вайскоўцаў на чале з міністрам сухапутных войскаў Дэнам Дрыскалам, піша BBC.
Дэлегацыя планавала абмеркаваць «намаганні па спыненні вайны» і магчымую дамову па сумеснай вытворчасці дронаў, але сустрэча з Зяленскім пакуль не пацверджана.
Усё гэта адбываецца на фоне гучнага карупцыйнага скандалу, які прывёў да палітычнага крызісу ва Украіне, і адначасова — шматлікіх паведамленняў СМІ пра мірны план, распрацаваны ў Вашынгтоне спецпасланнікам прэзідэнта ЗША Дональда Трампа Стывам Уіткафам пры ўдзеле спецпасланніка расійскага прэзідэнта Кірыла Дзмітрыева.
План, як даведаліся журналісты, шмат у чым заснаваны на максімалісцкіх патрабаваннях Масквы і прадугледжвае адразу некалькі прынцыповых саступак з боку Кіева.
«Міністр Дрыскал разам з камандай прыехалі ў Кіеў <…>, каб сустрэцца з украінскімі чыноўнікамі і абмеркаваць намаганні па спыненні вайны», — сказаў прэс-сакратар арміі ЗША палкоўнік Дэвід Батлер.
Дрыскал — самы высокапастаўлены вайсковец з адміністрацыі Трампа, які наведаў Кіеў для перамоў, — ужо сустрэўся з міністрам абароны Дзянісам Шмыгалём і галоўнакамандуючым УСУ Аляксандрам Сырскім.
Прыезду Дрыскала, піша Wall Street Journal, папярэднічала сустрэча на мінулым тыдні ў Маямі паміж Уіткафам і ўкраінскімі чыноўнікамі, блізкімі да Зяленскага. Axios паведамляў, што Уіткаф сустракаўся з сакратаром Савета нацыянальнай бяспекі і абароны Украіны Рустэмам Умеравым.
Па словах крыніцы Axios, Умераў не згаджаўся з выкладзенымі пазіцыямі і заявіў, што ва Украіны ёсць пярэчанні па многіх пунктах.
Па даных Politico, Дрыскал планаваў паездку ва Украіну ў снежні, але на мінулым тыдні ў Белым доме на спешна скліканай нарадзе Трамп сказаў, што міністр сухапутных войскаў павінен паказаць Зяленскаму і яго камандзе план, распрацаваны ЗША.
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы13
Каментары