Больш за 400 тысяч рублёў мінчанка забрала ў падманутых грамадзян і адвезла ў Расію
На лінію «102» звярнулася 52‑гадовая мінчанка, якой па тэлефоне паведамілі пра замену дамафона ў пад’ездзе і папрасілі назваць пашпартныя даныя для атрымання новых ключоў.
Затым паступіў другі званок ад нібыта праваахоўніка, які паведаміў: ад імя жанчыны праводзяцца незаконныя фінансавыя аперацыі. Каб захаваць зберажэнні, іх трэба перадаць кур’еру для дэкларавання, паведамляе «Міліцыя Мінска».
Мінчанка паверыла і перадала жанчыне больш за 110 000 рублёў у эквіваленце.
Работнікі Савецкага РУУС затрымалі кур’ера — 41‑гадовую жыхарку сталіцы. Раней жанчына сама стала ахвярай махляроў паводле той жа схемы і пад пагрозай крымінальнага пераследу пагадзілася ўдзельнічаць у спецааперацыі ва ўзяццю зламыснікаў.
Вядома, што жанчына забрала грошы ў двух чалавек і адвезла ў Расію больш за 400 000 рублёў у эквіваленце, дзе перадала невядомаму.
Каментары
Ніякіх даных я нікому і ніколі не называю. Дзіўна чуць, што у Мінску яшчэ жывуць такія 52-гадовыя ...