Злачынства ўчыніў п'яны віцебскі электрык, што прыехаў у мястэчка ў камандзіроўку.
88‑гадовы праваслаўны святар, настаяцель храма Прасвятой Багародзіцы ў Мёрах айцец Мікалай Рундо пацярпеў ад п’янага дзецюка. Здарэнне адбылося 5 траўня.
40‑гадовы электрык прыехаў у камандзіроўку з Віцебску ў Мёры — ладзіць праводку ў мясцовай аптэцы. У першы ж дзень ён моцна напіўся ды заблукаў у незнаёмым горадзе.
У дом да святара пагрукаў, каб спытаць дарогу да свайго гатэля.
Але, калі п’яны пабачыў 88‑гадовага святара, чамусьці раззлаваўся і пачаў лаяцца на старога, а потым адабраў ў таго кіёк і моцна збіў.
Святар трапіў у лякарню з траўмай галавы, а электрык — у пастарунак. Міліцыя пачала крымінальную справу.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты50
Каментары