Ураганам «Меліса», які пранёсся над Ямайкай, гэтай астраўной краіне ў Карыбскім моры нанесеныя разбурэнні беспрэцэдэнтнага маштабу. Паваленыя дрэвы, разбураныя дарогі, пашкоджаныя дамы і камерцыйныя аб’екты. Вялікія страты атрымалі бальніцы і дарожная інфраструктура, паведамляе Бі-бі-сі.
Па словах прэм’ер-міністра Ямайкі Эндру Холнеса, ураган прайшоў па ўсім востраве з хуткасцю ветру да 298 км/г, што перавысіла сілу ўрагана «Катрына», які ў 2005 годзе разбурыў амерыканскі горад Нью-Арлеан і забраў жыцці 1392 чалавек.
На паўднёвым захадзе краіны парафія Сэнт-Элізабэт была затопленая, больш за 500 тысяч жыхароў засталіся без электрычнасці. Некаторыя сем’і аказаліся заблакаванымі ў сваіх дамах, а доступ да іх складана арганізаваць з-за небяспечных умоў. Медыцынскія службы таксама папярэджвалі, што паводка можа загнаць у жылыя раёны кракадзілаў.
Правядзенне пошукава-выратавальных работ, забеспячэнне медыцынскай дапамогі, бяспечнага прытулку, чыстай вады, ежы і іншых неабходных рэсурсаў з’яўляецца цяпер першачарговай задачай. Прадстаўнікі Чырвонага Крыжа адзначаюць, што наступствы ўрагана будуць доўгімі і разбуральнымі для супольнасцяў і асобных людзей.
«Папярэднія звесткі сведчаць пра тое, што ўраган «Меліса» стаў катастрофай беспрэцэдэнтнага маштабу для вострава», — заявіў Аляксандр Пендры, менеджар глабальнага рэагавання гэтай арганізацыі.
Вялікабрытанія ўжо абяцае дапамогу Ямайцы: 3,3 мільёна даляраў на гуманітарную падтрымку, адпраўку спецыяльных груп хуткага рэагавання і карабель HMS Trent. ААН плануе авіяцыйную дастаўку каля 2000 камплектаў дапамогі са склада на Барбадасе, як толькі будзе магчымасць авіязлучэння.
Пра маштаб чалавечых страт пакуль што не паведамляецца.
Пасля Ямайкі ўраган «Меліса» абрынуўся на Кубу, выклікаўшы там магутныя залевы.
Маленькай краіне пашанцавала з назвай. Як востраў у Карыбскім моры зарабляе мільёны на даменным імені
У Крупках моцны вецер зрываў дахі са шматпавярховікаў
У В'етнаме тайфун загубіў больш за паўсотні чалавек
Землятрус у Афганістане: колькасць ахвяр перавысіла 1100, заходнія краіны гатовы аказаць дапамогу
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары
А летась "Бэрыл" прайшоўся па Тэхасе, выйшаў на бераг каля Корпус Крысьці і, набіраючы моц, паляцеў на Х'юстан і далей, на поўнач. Былі й залевы й перапынкі ў электразабесьпячэньні.