Urahanam «Mielisa», jaki praniośsia nad Jamajkaj, hetaj astraŭnoj krainie ŭ Karybskim mory naniesienyja razbureńni biesprecedentnaha maštabu. Pavalenyja drevy, razburanyja darohi, paškodžanyja damy i kamiercyjnyja abjekty. Vialikija straty atrymali balnicy i darožnaja infrastruktura, paviedamlaje Bi-bi-si.
Pa słovach premjer-ministra Jamajki Endru Chołniesa, urahan prajšoŭ pa ŭsim vostravie z chutkaściu vietru da 298 km/h, što pieravysiła siłu ŭrahana «Katryna», jaki ŭ 2005 hodzie razburyŭ amierykanski horad Ńju-Arlean i zabraŭ žyćci 1392 čałaviek.
Na paŭdniovym zachadzie krainy parafija Sent-Elizabet była zatoplenaja, bolš za 500 tysiač žycharoŭ zastalisia biez elektryčnaści. Niekatoryja siemji akazalisia zabłakavanymi ŭ svaich damach, a dostup da ich składana arhanizavać z-za niebiaśpiečnych umoŭ. Miedycynskija słužby taksama papiaredžvali, što pavodka moža zahnać u žyłyja rajony krakadziłaŭ.
Praviadzieńnie pošukava-vyratavalnych rabot, zabieśpiačeńnie miedycynskaj dapamohi, biaśpiečnaha prytułku, čystaj vady, ježy i inšych nieabchodnych resursaŭ źjaŭlajecca ciapier pieršačarhovaj zadačaj. Pradstaŭniki Čyrvonaha Kryža adznačajuć, što nastupstvy ŭrahana buduć doŭhimi i razburalnymi dla supolnaściaŭ i asobnych ludziej.
«Papiarednija źviestki śviedčać pra toje, što ŭrahan «Mielisa» staŭ katastrofaj biesprecedentnaha maštabu dla vostrava», — zajaviŭ Alaksandr Piendry, mieniedžar hłabalnaha reahavańnia hetaj arhanizacyi.
Vialikabrytanija ŭžo abiacaje dapamohu Jamajcy: 3,3 miljona dalaraŭ na humanitarnuju padtrymku, adpraŭku śpiecyjalnych hrup chutkaha reahavańnia i karabiel HMS Trent. AAN płanuje avijacyjnuju dastaŭku kala 2000 kamplektaŭ dapamohi sa składa na Barbadasie, jak tolki budzie mahčymaść avijazłučeńnia.
Pra maštab čałaviečych strat pakul što nie paviedamlajecca.
Paśla Jamajki ŭrahan «Mielisa» abrynuŭsia na Kubu, vyklikaŭšy tam mahutnyja zalevy.
Maleńkaj krainie pašancavała z nazvaj. Jak vostraŭ u Karybskim mory zarablaje miljony na damiennym imieni
U Krupkach mocny viecier zryvaŭ dachi sa šmatpaviarchovikaŭ
U Vjetnamie tajfun zahubiŭ bolš za paŭsotni čałaviek
Ziemlatrus u Afhanistanie: kolkaść achviar pieravysiła 1100, zachodnija krainy hatovy akazać dapamohu
Ciapier čytajuć
Siostry Hruździevy ciapier važać pad 100 kiłahramaŭ kožnaja20
Siostry Hruździevy ciapier važać pad 100 kiłahramaŭ kožnaja
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje9
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ1010
Kamientary
A letaś "Berył" prajšoŭsia pa Techasie, vyjšaŭ na bierah kala Korpus Kryści i, nabirajučy moc, palacieŭ na Chjustan i dalej, na poŭnač. Byli j zalevy j pierapynki ŭ elektrazabieśpiačeńni.