У Магілёве зрабілі «здаровы» грыльяж з прарошчанай зялёнай грэчкі — хочуць замяніць імпартныя батончыкі
Маладыя навукоўцы з Магілёва распрацавалі новы прадукт — грыльяж, зроблены не з арэхаў ці семак, а з прарошчанай зялёнай грэчкі. Мэта распрацоўкі — стварыць мясцовы прадукт для здаровага харчавання, які пасуне імпартныя снэкі і батончыкі.
Распрацоўшчыкі зрабілі стаўку на выкарыстанне мясцовай сыравіны, імпартазамяшчэнне і прыцэл на экспарт, паведамляе СТБ. Класічны грыльяж з арэхамі залежыць ад замежных паставак, арэхі могуць выклікаць алергію. Грыльяж з грэчкі пазбаўлены гэтых недахопаў, гавораць распрацоўшчыкі.
«Аналагі на рынку адсутнічаюць. Тым больш грэчка — гэта наша мясцовая сыравіна. Пры любых умовах мы не страцім пастаўшчыка прадукцыі», — кажа аспірант Андрэй Барашкаў.
Хруст і смак прадукту забяспечвае сакрэтны сіроп, дакладны склад якога не раскрываецца, паколькі распрацоўка хутка атрымае патэнт. Праект ужо атрымаў дыплом на рэспубліканскім конкурсе інавацый.
Галіновая лабараторыя збожжавых прадуктаў — гэта навуковы хаб, дзе працуюць з усімі збожжавымі культурамі Беларусі: ад трыцікале да аўса. За год тут прарошчваюць да 100 кілаграмаў збожжа. І на выхадзе атрымліваюць самыя нечаканыя прадукты: ад збожжавых кактэйляў і каш хуткага прыгатавання да касметычных масак для твару і нават прынады для рыбы, паведамляе ТБ.
Каментары
теснить = (заставлять отступать) адціскаць цясніць адцясняць
теснить врага — адціскаць (цясніць, адцясняць) ворага
пасунуць = подвинуть, сдвинуть
[Зрэдагавана]