28‑гадовы замежнік прыехаў у Беларусь на сустрэчу са знаёмай з Кобрына. Яны здымалі кватэру ў Мінску, адпачывалі на вуліцы Зыбіцкай, пілі алкагольныя кактэйлі.
Раніцай пара ішла ў бок таксі па набярэжнай Свіслачы. Па дарозе хлопец скінуў у раку тры электрасамакаты, што належалі сэрвісу шэрынгу. У выніку яны былі сапсаваныя, агульная шкода кампаніі склала каля 7700 беларускіх рублёў.
Супраць хлопца завялі крымінальную справу.
Ён раскаяўся, але матываў сваіх дзеянняў патлумачыць не змог. Замежніка ўзялі пад варту. Яму пагражае да трох гадоў пазбаўлення волі.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна7
Каментары