У Дзяржаўнай памежнай службе Украіны не выключаюць правакацый падчас вучэнняў «Захад-2025»
У Дзяржаўнай памежнай службе Украіны не выключаюць правакацый падчас расійска-беларускіх вучэнняў «Захад-2025». Пра гэта заявіў спікер Дзяржаўнай памежнай службы Андрэй Дземчанка ў эфіры тэлемарафона.
«Па стане на цяпер, калі казаць пра тое, што мы фіксуем побач нашай мяжы, то нейкага нарошчвання груповак на тэрыторыі Беларусі ў напрамку нашай мяжы гэтага няма. І сітуацыя непасрэдна па лініі мяжы, на шчасце, не змянілася, — праінфармаваў Дземчанка.
Ён падкрэсліў, што прысутнасць расійскіх войскаў у Беларусі ўяўляе пагрозу, і Украіна не можа дазволіць сабе расслабіцца.
«Беларусь працягвае падтрымліваць Расею, а, уласна, калі казаць пра дзеянні краіны-тэрарысткі, то не выключаецца і правакацыі, і трэба разумець, што інфармацыйны ўплыў падчас гэтых вучэнняў будзе прысутнічаць для таго, каб нагнятаць сітуацыю», — падкрэсліў спікер.
Ён дадаў, што адной з задач такіх дзеянняў можа стаць спроба прымусіць Украіну перакідваць сілы на паўночны кірунак, саслабляючы іншыя ўчасткі фронту.
Расійска-беларускія вучэнні «Захад-2025 « пройдуць у верасні. Актыўная фаза манеўраў запланаваная на 12-16 верасня, да іх прыцягнуць больш за 13 тысяч вайскоўцаў.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага12
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу105105
Каментары